“YÜKSEK YERLEŞİM YERLERİNDE SAHA ÇALIŞMASI YAPMAK DA İSTİYORUM!”

Ali İhsan Aksamaz 

(Ön açıklama: Şimdi Sabri Aslışen ile beraberim. Bugünkü misafirim Sabri Aslışen.  Sabri Aslışen, çok bilgili bir insan. Çok çalışkan bir aydınımız. Sabri Aslışen’in her alanda çok kıymetli çalışmaları var; baştan aşağı sağlam bir kültür adamı kendisi. Gazeteci, yazar, çevreci, fotoğraf sanatçısı, tulumcu ve dağcı kendisi; ben böyle biliyorum. Ben, Sabri Aslışen ile bir söyleşi yaptım. Kültürel çalışmalarından bahsettik. Bu metin, söyleşimize ait.(Ali İhsan Aksamaz)

+

Ali İhsan Aksamaz: Önce biyografinizden konuşalım, lütfen! Önceki yaşamınızdan bahsedin bize! Nerede ne zaman doğdunuz? Nerelisiniz? Kimlerdensiniz? Mesleğiniz nedir? Evli misiniz? Çocuklarınız var mı?

Sabri Aslışen: 55 Yaşındayım. Ardeşen İlçesi’nin Seslikaya  Köyünde 20 Ağustos’ta doğdum. Ardeşenliyim. Ğomunoğlu. (Turudi, Mollasaliği). Gazeteciliğimin ve yazarlığımın yanı sıra doğa sporlarını da meslek olarak yapıyorum. Evliyim. Bir kız çocuğum (22).

Ali İhsan Aksamaz: Hangi okullarda okudunuz? Hangi dilleri biliyorsunuz? Şimdi nerede yaşıyorsunuz?

Sabri Aslışen: Anadolu Üniversitesi Halkla İlişkiler okudum. Aynı üniversitenin Fotoğrafçılık bölümüne de devam ediyorum. Günlük konuşmada gerekli olacak şekilde Fransızca ve İngilizce biliyorum. Lazcayı konuşabildiğim gibi okuyup yazabiliyorum. Eşimin işi gereği Ankara’da yaşıyorum.

Ali İhsan Aksamaz: Biliyorum, gazetecisiniz. Kültürel mirasımızı yaşatmak için de makaleler yazıyorsunuz. Makaleleriniz bir değil, birçok gazetede yayınlanıyor; bunu biliyorum. Siz de isterseniz, önce eski çocuk oyunlarından bahsedelim. Bize, eski çocuk oyunlarından bahsedin, lütfen! Bu oyunların Türkçe adlarını verin, lütfen, bu yeterli olacak.

Sabri Aslışen: Yaklaşık 35 yıldır gazetecilik mesleği sürdürmekteyim. Çocukluğumuzdaki oyunlar bir başkaydı. Oyunları belli yaş grubuna göre ayırarak oynardık. Bizim için her etkinlik bir oyun gibiydi. Kırmızı toprakla suyun karışımından elde edilen çamur, çocukluğumun ilk oyunu olmuştu. Çamur oyununa “Let’aş oliobiru” adını vermiştim. Çocukken oynadığımız oyunların bazılarını sizinle paylaşayım; Saklanmaç, Korkuluk, İp atlama, Çelik-çomak, mendil kapma, topaç, bilye-misket, çağatara, çember çevirme, tel-tahta araba sürme.

“Çocuklarımıza öğretmezsek, yerel kültürlerimizi kendi ellerimizle öldürmüş oluruz.”

Ali İhsan Aksamaz: Günümüzde de bu oyunları yaşatmak için neler yapmalıyız? Siz ne düşünüyorsunuz?

Sabri Aslışen: Aslında hiçbirimiz çocuklarımıza yeterli ve nitelikli vakit ayıramıyoruz. Çalışma hayatı bir yandan ev işleri bir yandan. Anneler ve babalar sürekli bir koşuşturma, bir şeyleri yetiştirme telaşı içinde geçiriyor günlerini. Belki de kısacık bir zaman ayırıp çocuklarıyla göz teması kurmaya, eskilerden sohbet etmeye, çocukken neler yaptıklarını anlatmaya bile ne zaman bulabiliyor ne de bu konuya değer veriyorlar. Oysa ki, anne-baba-çocuk arasındaki en kuvvetli bağ iletişim ve fiziksel temas ile kuruluyor. Bu temas vasıtasıyla çocuklarımıza gelenek-göreneklerimizi, yerel çocuk oyunlarımızı öğretebiliriz. Ancak bu şekilde gelecek nesillere aktarım sağlayabiliriz. Eğer bunları yapamazsak, yerel kültürlerimizi kendi ellerimizle öldürmüş oluruz.

Ali İhsan Aksamaz: Biliyorum, siz tulum ve kemençe de çalıyorsunuz.Doğru biliyor muyum?!Tulum ve kemençe çalmayı ne zaman ve kimden öğrendiniz?

Sabri Aslışen: Hayır, hayır! Tulum ve kemençe çalmayı bilmiyorum, ama bunlar başta olmak üzere, yerel kültürlerimizin içinde yer alan müzik aletlerinin çıkardığı sesleri dinlemeyi çok seviyorum. Oğlak derisiyle yapılan tulumun yani Lazca adıyla Gudanın içine dolan nefes, parmakların ustalığıyla Navdan çıkan sesin güzelliği bir başkadır. Hele de bu sesi Lazona’nın ve Doğu Karadeniz’in yağmur ormanlarıyla buluştura bildiyseniz tadına doyum olmaz.

Ali İhsan Aksamaz: Laz kadınları canla- başla çalışıyor, eşleri boş-boş oturuyor diyor kimi insanlar. Öyle mi? Siz bu söze ilişkin neler söyleyebilirsiniz?

Sabri Aslışen: Hep söylenir ve tenkit konusu olur, “Rize’de bütün işleri kadınlar yapıyor, erkekler ise yan gelip yatıyor,” diye. İşte bu davranışların ana kaynağı gurbetçiliğin getirdiği bir alışkanlık veya gelenek. Bölgemize çay tarımı gelene dek insanımız gurbetçiydi…

Doğu Karadeniz’in kuzey doğusunda yer alan Batum ve Sohum, önemli bir ticaret merkezi olması sebebiyle gurbetçileri rahatça kendine çekebiliyordu. Ortak kültür ve yakınlık bakımından, Batum ve Sohum şehri bölge insanının gurbeti olmuştu. (1800’lü yıllardan 1937’ye kadar, taki Sarp sınır kapısı kapanıncaya kadar. Sınır kapısı kapandıktan sonra kırsal göç ağırlıklı olarak başta Ankara, İstanbul ve İzmir olmak üzere diğer illere doğru yönelmeye başladı. Bu göç, daha çok dışarıdan bakanlar tarafından tenkit konusu olmuş ve ağızdan ağıza “Doğu Karadeniz Bölgesinde bütün işleri kadınlar yapıyor, erkekler ise yan gelip yatıyor” şeklinde dolaşmaya başlamıştır. Bu ifadenin aslına bakıldığında, geçmişte gurbetçi olarak çalışan erkeklerin, dışarıda yani “gurbet elde” evine ekmek parası getirmek için ter döktüğü süreçte, kadınlarının yörede aktif olarak çalışmaları ve ister istemez evin hem kadını hem erkeği rolünü üstlenmeleri dolayısıyla ortaya çıktığı görülecektir. Bölge insanı olarak bunu aslında hepimiz çok iyi anlayabiliyoruz. Elbette ki, bu durumu kullanan yöre insanı da olmuyor değil.

Yanlış anlamayın beni! Ülkemin gezmediğim, görmediğim yeri kalmadı. Yurt dışında da yaklaşık on ülke gezdim. Bütün bu seyahatlerim süresince yöremizi ve Kaçkar Dağı, eteklerini gözlerimin önüne getirdim kıyaslamak için. Ne mümkün! Kıyas kabul etmedi hiçbiriyle! Gerçekten tabiat olarak dünyada bu kadar güzel bir yer yok. Doğu Karadeniz dağları, dereleri, yaylaları ve gölleriyle eşsiz bir doğa güzelliğine sahip ama, aynı zamanda çok zorlu coğrafya. Halkın, bu tabiat şartları içinde hayatını idame ettirmesi, geçimini sağlaması fevkalade zor. Bu zorluğun üstesinden ancak birlik olarak, kadın veerkek beraber sorumluluğu taşıyarak gelebilecektir. Eski alışkanlıkların, gurbetçilik zamanlarının ve ben yatayım sen yapçılığın gerilerde kalmasıyla Doğu Karadeniz halkı ve doğasıyla daha da yükselerek kalkınabilecek, ülkemizin müstesna turizm cenneti olarak gözde yerini perçinleyecektir.

“Doğayı sevmeyi rahmetli anneme, fotoğrafçılığı ve dağcılığı ise “Dağların Reisi” lâkaplı Muhammet Önçırak ağabeyimize borçluyum.”

Ali İhsan Aksamaz: Siz dağcısınız, bunu biliyorum. Geziler de yapıyorsunuz. Lütfen, bu gezilerinizden bahsedin bize! Bu gezileri nerelerde yapıyorsunuz? Gezi konusunda dernek ve şirketleriniz var mı?

Sabri Aslışen: Ortaokul yıllarından beri doğanın içindeyim. Doğayı sevmeyi rahmetli anneme, fotoğrafçılığı ve dağcılığı ise “Dağların Reisi” lâkaplı Muhammet Önçırak ağabeyimize borçluyum. Türkiye Dağcılık Federasyonu kurulmadan önce, Ardeşen ilçemizde 1960 yılında Prof. Dr. Yılmaz Ergün Hocamız öncülüğünde dağcılık derneği kurulmuş. Bu dernek sayesinde, Kaçkar Dağları eteklerinde yer alan Fırtına Vadisi üzerindeki yerleşim alanlarında dağcılık sporunun gelişmesinde önemli ölçüde katkılar sağlamıştır. 1998 yılında “Doğu Karadeniz Kaçkar Dağcılık ve Doğa Sporları İhtisas Kulübü” adı altında kapsamlı bir derneğin kurulmasında öncülük yaptım. Bu kulüp sayesinde, yapılan sportif faaliyetler, festivaller ve dağcılık şenlikleri sayesinde sadece bölgemiz değil, Doğu Karadeniz’in tamamı bölgesel ve ulusal medyalar aracılığıyla tanınmış oldu. Bu tanıtımda emeği geçen kurucu üyelere, bugüne kadar görev alan başkan ve üyelerine ve de halen görevde olan başkan ve yönetim kurulu üyelerine sizin aracılığınızla sonsuz teşekkürlerimi sunuyorum. Kulüp olarak gezilerimiz, özellikle hafta sonları doğu Karadeniz’in tamamına ve yılın belli aylarında yurt geneline hatta yurt dışına sportif ve gezi amaçlı programlar düzenlenmektedir. Kulübümüz şirket değil, yaptığı faaliyetlerin çoğunluğu sportif amaçla yapılmaktadır.

Ali İhsan Aksamaz: Siz, Ardeşen’in Sesi adlı gazetenin de öncülerinden birisiniz. Siz de isterseniz, biraz da bu gazeteden konuşalım!

Sabri Aslışen: Ardeşenin Sesi Gazetesi, Ardeşen ilçemizde kurulan yerel bir gazetedir. Yıllar önce küçücük bir mekânda başladı yayın hayatına. Bir kulübeyi andıran, sadece bir kapı ve bir pencereden ibaret olan daracık mekânında doğdu gazetemiz. Hurufat (Tipo) baskıyla haftalık olarak yayınlanan, kuruluşundan beri doğru, dürüst, tarafsız ve ilkeli yayın çizgisinden sapmadan yoluna devam eden gazetemiz, modern ofset tesislerinde günlük olarak çıkarılmaya ve yarım asra yaklaşan bir süredir okuyucularıyla buluşmaya devam ediyor.

Yerel ve bölgesel gazetelerin kendi imkânlarıyla ayakta kalmaları kolay olmamasına rağmen, Ardeşenin Sesi Gazetesi, kuruluş tarihi olan 25 Ocak 1973’ten bugüne tam 46 yıldır aralıksız olarak yayın hayatına devam etmektedir. Ardeşenin Sesi Gazetesi’ni bölgemize kazandıran gazetemizin kurucuları Av. Sedat Kâhya hocam ve Ahmet Özcan Bey başta olmak üzere fikir işçilerine, yazarlara ve tüm çalışanlarasizin aracılığınızla sonsuz şükranlarımızı sunuyorum.

Ali İhsan Aksamaz: Günümüzde, siz başkent Ankara’da yaşıyorsunuz. Ankara’da kültürel bir derneğiniz var mı? Varsa, dernekte hangi kültürel aktiviteleri yapıyorsunuz?

Sabri Aslışen: Ömrünün yüzde 60’ini doğada geçiren biri için şehir hayatı çok zor gelmektedir. Yaklaşık 5 yıldır Kavaklıdere Çankaya Ankara’da ikamet ediyorum. Bayındır-2 Sokak No: 30 D: 5 Çankaya/ Ankara adresinde Başkentimize yakışır “Ardeşen Kültürevi Derneği” (ARDER) adında bir derneğimiz var. Yaklaşık 500’ü aşkın üyesi bulunan derneğimizin başkanlığını, yıllarını eğitime adamış, emekli matematik öğretmeni Ahmet Üstoğlu yürütmektedir. Başkanımız ve dernek yönetim kurulu üyeleri olarak bizlerin üstlendiği misyon, Ankara’da ve Ankara dışında yaşayan Ardeşenliler arasında köprü vazifesini üstlenerek sosyal, kültürel ve eğitime yönelik faaliyetlerini sürdürmektir.Ülkemizin saygın kuruluşları arasında yer alan Koç Holding Yönetimi tarafından ülke genelinde faaliyet gösteren yerel kültür dernekleri arasında yıl boyunca en çok etkinlik yapan faal dernek olarak Ankara Ardeşen Kültürevi Derneğimiz gösterilmiştir. Bundan ötürü çok gururluyuz.

Ali İhsan Aksamaz: Aklınızda yeni kültürel projeler var mı? Bir kitap yazmak gibi bir projeniz var mı?

Sabri Aslışen: Yerel anlamda eskiz aşamasında olan projelerim var. Bunların başında gelenek-göreneklerimizin içinde yer alan çocuk oyunları gelmektedir. Unutulmaya yüz tutmuş olan Laz çocuk oyunlarını aslına uygun bir şekilde yazılı ve görsel olarak hazırlamak istiyorum. Bu konuda sizin deneyimli çalışmalarınızdan ve aydın fikirlerinizden ve de Çocuk Gelişim Uzmanı olan eşimin görüşlerinden de yaralanmak istiyorum. Ömrümüz vefa eder de bu eseri hazırlayabilirsek, gelecek nesle ve onların çocuklarına iyi bir kaynak eser bırakmış olacağız.

Öte yandan önümüzdeki yıl Doğu Karadeniz bölgesindeki yüksek yerleşim yerlerinde geçmişe dayalı eserleri araştırmak, bu eserlere bağlı kaynak bilgileri ve özellikle yaşanmışlıkları bir araya toplamak için saha çalışması yapmak istiyorum.

Ali İhsan Aksamaz: Size çok teşekkür ederim. Sorularıma baştan aşağıya derinlemesine cevap verdiniz. Daha ne diyeyim?! Daha ne sorayım?! Soracak başka sorum yok. Sizin söyleyecekleriniz varsa, lütfen buyurun söyleyin!

Sabri Aslışen: Bana verdiğiniz bu fırsattan dolayı sonsuz teşekkürlerimi sunuyorum. Hali hazırda bölgede yaşamıyor olsam da, yaşanmışlıkların izlerinin kaybolmaması, yerel kültürümüzün gelecek nesillere sağlam şekilde aktarılması, gelenek-görenek ve kültürel mirasımızın ileriye taşınması için bireysel olarak elimden gelen gayreti göstermeye çalışmak en büyük hedefim. Umarım başarabilirim.

+

“Rak̆anoni oput̆epes noçalişe oxvenuti guris mek̆amilaps!”

(Goʒ̆otkvala: Aʒ̆i Sabri Aslişeni k̆ala vore ma. Andğaneri musafiri çkimi ren Sabri Aslişeni.  Sabri Aslişeni ren dido çkinaperi ar k̆oçi. Dido dulyamxvenu gamantaneri çkini ren. Sabri Aslişenis kuğun dido ğirsoni k̆ult̆uruli noçalişepe k̆arta speros; tişen k̆udelişa dido k̆apet̆i k̆ult̆uriş k̆oçi ren Sabri Aslişeni. Magezete, mç̆aru, magomorgve, mafot̆ografe, gudastvire do magerme ren emu. Sabri Aslişeni k̆ala ar int̆erviu dop̆i ma. Çkin molapşinit muşi k̆ult̆uruli noçalişepeşen. Edo aya ren çkini int̆erviuşi t̆ekst̆i.  (Ali İhsan Aksamazi)

+

Ali İhsan Aksamazi: İpti biyografi tkvanişen bğarğalat, mu iqven! ʒ̆oxleni skidala tkvanişen molamişinit! So do mundes yeçkindit, dibadit? Sonuri ret? Namu oput̆eşi skiri ret? Mi oğlepeşi ret? Mu dulya ikipt? Çileri reti? Berepe giqonunani?

Sabri Aslişeni: Ma (55) jure neçi do vit̆o xut ʒ̆aneri vore. Noğa Art̆aşenişi oput̆e Ağvanis dovibadi ma. (20) eçi Mariaşinas dovibadi. Art̆aşenuri vore. Ğomunoğli, (Turudi, Mollasaliği) vore. Eşo ptkvat na, aşo ptkvat na, mexole (35) eçi do vit̆o xut ʒ̆anaşendoni magazeta vore. Hemi magazeta hemiti  mç̆aru vore, hemiti buncinaşi sporeşati toli komiğun. Ayati, mesleğepe çkimişen arteri ren. Eşo mazit̆en ma.  Çileri vore do ar k̆ulani bere komiqonun. Bere çkimi ren (22) eçi do jur ʒ̆aneri.

Ali İhsan Aksamazi: Namu nʒ̆opulapes igurit? Namu nenape giçkinan? Aʒ̆i so skidut?

Sabri Aslişeni: Ma doviguri Anadoluşi Universit̆et̆işi Xalk̆i K̆ala munasepetepeşi burmes.  Xoloti vigurap artneri universit̆et̆işi fot̆ografişi burmes. Fransuli do İnglisuri nenape komiçkin. Edo entepeşi seviye domibağun dğaluri oxmarus. Lazuri nena muk̆onari miçkin na, ek̆onariti domak̆itxen do maç̆aren. Çili çkimik içalişeps nananoğa Ank̆aras, emuşeni mati nananoğa Ank̆aras pskidur.

Ali İhsan Aksamazi: Ma miçkin, tkvan magazete/ jurnalist̆i ret. K̆ult̆uruli anderi çkini oskedinu şeni mak̆alepeti ç̆arupt tkvan. Edo tkvani mak̆alepe ar gazetas vardo, dido gazetas gamiçkvinen; aya komiçkin. Tkvanti ginonan na, ipti berepeşi mcveşi sterapapeşen bğarğalat. Berepeş mcveşi sterapapeşen molamişinit, mu iqven! Eya sterapapeşi Lazuri coxope komomçit, mu iqven, eya domibağun.

Sabri Aslişeni: Mexole (35) eçi do vit̆o xut ʒ̆ana ren, ma magazeta vore; aya dulya vikip. Beroba çkinişi sterapa, aʒ̆inerepe steri va rt̆u; çkvapebura rt̆u. K̆arta ʒ̆anaşi grubişen berepes çkvadoçkva sterapa kuğut̆es. K̆arta ʒ̆anaşi grubis tito sterapa kuğut̆u. Edo çkin çkini grubişi doloxe vistert̆it eya sterapa. Çkini şeni, emindroneri k̆arta aktivit̆e rt̆u sterapa; eşo rt̆u. Mç̆ita let̆a do ʒ̆k̆ariten, t̆alaxi vikipt̆it çkin. Aya rt̆u beroba çkimişi enni mskva  sterapa. Aya sterapas coxont̆u “Let̆aş oliobiru”. Aya coxo mepçeret̆i ma. Aya coxo gevodveret̆i ma eya sterapas.  Beroba çkinişi sterapapeşi coxopeşen molagişinat: K̆uku t̆a-ont̆obinu, Dida Mangisa, Toç̆i mok̆apinu, ʒuk̆ani, ʒ̆ukvap̆i, oktimoni, şurduli, mili xut̆ula, Let̆aş oliobiru, omp̆urina, pirpila, dok̆anuri, piʒari okt̆imaşe, enʒuna-penʒuna, ok̆anʒ̆ure, k̆ap̆ula cexunu, maʒ̆k̆inri oşinaxu, fot̆a t̆ximoza.

Ali İhsan Aksamazi: Andğaneri ndğasti aya sterapape oskedinu şeni muepe oxvenuşi voret çkin? Tkvan mu izmont?

Sabri Aslişeni: Mtini giʒ̆vat, andğaneri ndğas, çkar mitis dobağine do meçamura ora va miğunan berepe çkinişa. Moxva ora va miğunan berepe çkini şeni; andğaneri didi noğaşi k̆aosişi guri şeni ren aya. Berepe k̆ala pelaperi ora mek̆alapuşi şansi va miğunan. Ar k̆ele oçalişu, majura k̆ele oxorişi dulyape. Nana do babapek udodginu- udoxunu endişe-telaşiten skidunan; yonk̆ap̆uşi telaşis renan. Ar mutupe gondinuşi şkurina kuğunan nana do babapes.  Aşoten ʒ̆anape mek̆ulun. Armʒika rt̆as nati, berepe mutepeşi k̆ala ok̆oxedu, mcveşi ambarepe mutepeşişen molaşinu, entepeşi berobaşen oğarğaluşi orati va uğunan nana do babapes, gonepti! Amk̆ata dulyapeşati toli va uğunan entepes; eşo vizmon ma. Mʒudi va ren; nana-baba-bereş qoropa yeçkindun irtibati do fizik̆uri temasişen. Aya temasişi vasitaten, çkini k̆ult̆uri-adetepe do berepeşi sterapape berepe çkinis oguramuşi şansi maqvenan çkin. Adetepe- k̆ult̆uri çkini, ek̆uleni nesilepeşa nunç̆işinu şansi aşoten maqvenan. Aşo va p̆at na, k̆ult̆uri çkini xepe çkiniten voğurinaten, daçxiri çkini voskirinaten; aya k̆aixeşa miçkit̆an.

Ali İhsan Aksamazi: Ma miçkin, tkvan gudastviri do kemanceti gelaçapt. Mtini miçkini?! Mundes do mişen igurit gudastviri do kemance gelaçamu?

Sabri Aslişeni: Var, var! Gudastviri do kemanceşi gelaçamu va miçkin ma. Mara svalyaruli k̆ult̆uri çkinişi musik̆aluri alet̆epeşen gudastviri do kemanceş sersis osiminu dido k̆ai maʒ̆onen.  Korit̆işi t̆k̆ebiten xveneri Gudastvirişen gamaxtimeri sersi ren dido loqa. Mara gudastviri gelaçamuk gak̆vans mahareti do ust̆at̆oba; aya miçkit̆an ipti. Heleti aya sersis, Lazona do Yulva Uçamzoğaşi mç̆imaşi mt̆k̆apes osiminu ren dido loqa. Osiminuten va ižğert; aya giçkit̆an!

Ali İhsan Aksamazi: Lazi oxocalepek şurdoguriten içalişapan, mara kimolepe mutepeşik xemboşi doxedunanya tkumernan namtini k̆oçepek. Eşo reni? Tkvan mu gažitenan aya ambari şeni?Mu izmont tkvan?

Sabri Aslişeni: Ho, p̆anda eşo itkven. Edo aya ren tenk̆idişi mevzu. “Rizinuri  oxorcalepek udodginu-udoxunu içalişapan do kimolepe doxedunan do p̆anda keifi ikipan!” Aşo tkumernan galenepek. Aya dulyas kuğun ar sebebi. Kimoli ren mak̆urbete do aya xali moxtimeri ren k̆urbetişi adetişen. ʒ̆oxleni orapes, Çkin çayişi ziraati va miğut̆es Lazonas. Edo kimolepe rt̆es  mak̆urbete…

1800-oni  ʒ̆anapeşen 1937 ʒ̆anaşa,  noğa Batumi do noğa Soxumi rt̆u beciti ticaretiş şkagurepe.  Batumi do Soxumi  rt̆u yak̆ini hemi gza muşiten hemiti k̆ult̆uri muşiten çkinda. Oşkaruli ğirape dido komiğut̆es emindros.  Emuşeniti emindroneri akoni k̆oçepeşi k̆urbeti  rt̆u Batumi do Soxumi. Sinori geink̆iluşi, milleti idu didopeten Ank̆ara, İst̆anboli do İzmirişa do majura noğapeşa.  Aya ek̆onomk̆iuri xicret̆işi gurine, didopeten galenepek tenk̆idepe ikipan do  oxorcalepek udodginu-udoxunu içalişapan do kimolepe doxedunan do  p̆anda keifi ikipan yado  ar şayia gamaxteren. Mtini giʒ̆vat, kimolepek oçalişu şeni k̆urbetişa ulut̆es para mogapu şeni mcveşi orapes. Edo muxuri çkinişi oxorcalepekti oxori do qonaşi dulyape ikipt̆es oput̆epes. Dulya eşo iquşiti, oxorcak kimoşi muşişi dulyapeti ikipt̆u oput̆es. Aya adeti emindroneri sosyaluri xalişen yeçkinderen; aya k̆aixeşa ižiren. Çkinti aya xali oxomaʒonenan. Moro mu, muxuri çkinişi namtini kimolepesti çilepe mutepeşi gamaşvaluşa toli kogiğunan; ayati komiçkinan. Mara aya zmona do gagnapa va ren gont̆aleri mteli muxuri çkinis; ayati komiçkinan çkin.

Xilafi mutu va giʒ̆vaten. Dobadona çkinişi k̆arta muxuris gopti, k̆arta şeyiti kobžiri ma. Galeni mexole vit dobadonasti gopti ma. Ho, galeni dobadonapes vort̆i, emindros aya dobadonapeşi mskvanobape do K̆açk̆arepeşi mskvanoba ok̆ozimuşa toli komiğut̆u ma p̆anda. Edo p̆anda  K̆açk̆arepe malandet̆u ma ok̆iyasu şeni.  Mumkuni va ren. Ok̆iyasuşi mutu va ren. Mtini giʒ̆vat, K̆açk̆arepe çkinişi buncinas mengaperi va uğun mteli dunyas. Amk̆ata mskva sva va ren dunyas.  Yulva Uçamzoğaşi muxuris germape, ğalepe, golape do t̆ibape muşiten, buncinaluri mskvanoba kuğun. Mara artneri oras,  coğrafya muşiti monk̆a ren. Edo xalk̆işi oskidu do oçalişuti ren dido meç̆ireli aya buncinaşi doloxe. Aya meç̆ireloba k̆ala başi oxvenu şeni, çili do kimoli oçalişuşi ren, xes xe meçameri do anank̆eniten. Otexuşen genomskide mcveşi adetepe meşkvinu domaç̆irnan. Ma dopxeda do si içalişi; amk̆ata zmona do gagnapa va ren modernuri k̆oçişi. Aya p̆at̆i adetiti meşkvinuten, Uçamzoğaşi muxurik xalk̆i do buncina muşi k̆ala daati ixampasunon.  Aşoten dobadona çkini iqvasunon t̆urizmişi cenneti do didinoba muşi ognapasen mteli dunyas.

Ali İhsan Aksamazi: Tkvan magerme/ alpinist̆i ret; ayati komiçkin. Golvapeti ikipt. Aya golvape tkvanişenti molamişinit, mu iqven! So, namu muxurepes ikipt aya golvape? Golvaşi derneğepe do şirk̆etepe giğunani?

Sabri Aslişeni: Oşkenoni nʒ̆opulaşi oraşendoni, ma buncinaşi doloxe vore. Buncinaşi qoropa, rametli nana çkimişen do fot̆oğrafi do alp̆inizmişi qoropati “Germapeşi  Reizi” žegnoni Muhammet Onçirak cumadi çkinişen doviguri ma; eʒxala komiğun entepeşa ma. Turkiyeşi Alp̆inizmişi Federasyonişen ʒ̆oxleni orapes, P̆rofesor Dr. Yilmaz Erguni Xoca çkinişi inisiyat̆ifiten, alp̆inizmişi derneği geidgineren 1960 ʒ̆anas, noğa çkini Art̆aşenis.   Aya derneğişi landeten, alp̆inizmi ik̆ap̆et̆ineren K̆aç̆k̆arepeşi ʒ̆alenk̆elepeşi Furt̆unaşi Vadis. Eya derneğik aya sp̆orişi omordinus nuşveleren. “Yulva Uçamzoğaş K̆aç̆k̆arişi Alp̆inizmi do Buncinaşi Sp̆orepeşi İxtisasişi K̆lubi” coxoni derneği geidginu 1998 ʒ̆anas. Aya derneği rt̆u teşkilatoni k̆arta speros.  Aya derneğiş gedgus şurdoguriten viçalişi ma; goʒ̆ocğoneri doviqvi ma aya  derneğiş gedginus. Aya k̆lubişi landeten, sp̆ort̆uli faaliyetepe, fest̆ivalepe do alp̆inizmişi şenluğepe dop̆it. Edo aya sp̆ort̆uli faaliyetepe, fest̆ivalepe do alp̆inizmişi şenluğepeşi landetenti,  xvala muxuri çkinişi coxo var, Uçamzoğaşi mteli muxurepeşi coxo ignapinu hemti muxuruli hemiti milleturi medyaşi xeten. Tkvani vasitaten, aya derneğişi emindroneri do aʒ̆ineri magedgine mak̆ature, mak̆ature, maoktale do  dudmaxvancepes dido şukuri vuʒ̆umer ma, entepes emeği uğunan aya oçinapus do emuşeni. K̆lubi çkinik golvape ikips mteli Uçamzoğaşi muxurepes, didopeten doloniş çodinapes. K̆lubi çkinik xvala mteli Turkiyes var, galeni dobadonapesti  sp̆ori do golva şeni p̆rogramepeti ikips ʒ̆anaşi meçkineri tutapes. K̆lubi çkini şirketi va ren. K̆lubişi faaliyetepe, sp̆ort̆uli gagnapaten ixvenen; ayati miçkit̆an.

Ali İhsan Aksamazi: Tkvan Art̆aşenişi Sersi coxoni gazetaşi ç̆k̆onepeşi art-arti ret. Eşo miçkin. Tkvanti ginonan na, amʒikati aya gazetaşen bğarğalat!

Sabri Aslişeni: “Art̆aşenişi Sersi” ren noğa çkini Art̆aşenis gedgineri muxuruli ar gazeta. Dido ʒ̆anape ʒ̆oxle rt̆u, ç̆iç̆it̆a mekyani kuğut̆u do eşo gamiçkvinu. Ar paʒxas  nungapt̆u, eşo mazit̆en aʒ̆i, xvala ar nek̆na do ar pencere kuğut̆u eya mekyanis. Eya mekyani dido mʒ̆ule rt̆u do ek yeçkindu gazeta çkini. Xurufatişi (T̆ip̆oşi) formatiten kogamaxtu dolonis ar fara. İptineri dğa muşişen doni mtini, helali, uk̆elenari do p̆rensip̆oni ar ğara kuğut̆u, aʒ̆iti artneri ğaraten gamiçkvinen “Art̆aşenişi Sersi”. Mara andğaneri ndğas, modernuri ofset̆uri tesisepes gamiçkvinen, dğaluro gamiçkvinen.  Mexole gverdi oşʒ̆anuraşendoni, mak̆itxalepe muşis ambarepe meçaps Art̆aşenişi Sersik. Ti-mutepeşişi imkyanepeten oskidu ren  dido meç̆ireli muxuruli do t̆erit̆oryaluri gazetepe şeni; eşo rennati, “Art̆aşenişi Sersi” gamiçkvinen 25 ʒ̆anağani 1973-şen andğaşa, 46 ʒ̆anaşendoni umek̆vatero. Tkvani vasitaten, ma ipti gazetaşi magedgine Avok̆at̆i Sedat Kahya Xoca çkimi do Ahmet Ozcan Begis şukuri vuʒ̆umer. Entepek “Art̆aşenişi Sersi,  hediye komomçes do emuşeni. Xolo “Art̆aşenişi Sersişi” fik̆iriş madulyepe, mç̆arupe do mteli madulyapes şukuri vuʒ̆umer ma.

Ali İhsan Aksamazi: Andğaneri ndğas, tkvan nananoğa Ank̆aras skidut? Nananoğa Ank̆aras k̆ult̆uruli derneği giğunani? Giğunan na, namu k̆ult̆uruli dulyape ikipt derneğis?

Sabri Aslişeni: Skidala çkimişi oşişen 60 buncinas mek̆ovolapi ma, raxat̆i-raxat̆i  pskidi. Emuşeniti didi noğas oskidu meç̆ireli momixteps. Mexole 5 ʒ̆ana ren,  nananoğa Ank̆araşi muxuri K̆avaklideres pskidur, Çank̆ayas pxer ma. Noğa Çank̆ayaşi sokaği Bayindiris “Art̆aşenişi K̆ult̆uriş Oxori” (ARDER) coxoni ar derneği komiğunan. Mexole 500-şen met̆i mak̆ature uqonun derneği çkinis. Derneği çkinişi dudmaxvabce ren Ahmet Ustoğli. T̆ek̆audi matematik̆aşi mamgurapale ren. Skidala muşi gamantana-gurapa şeni golaçkvineri kuğun.  Derneğişi dudmaxvance do idare heyetişi mak̆aturepo, çkin ar misyoni komiğunan.  Ank̆ara do Ank̆araş gale skideri Art̆aşenurepeşi şkas ar xinci steri viçalişepst çkin. Sosyaluri, k̆ult̆uruli gamantanuri speros viçalişept. Art̆aşenişi K̆ult̆uriş Oxorik dido k̆ult̆uruli faaliyetepe ikips ar ʒ̆anas morgvalis. Emuşeniti derneği çkini majurapeşen dido faaliyetoni derneği goşiʒxunu  dobadona çkinişi ʒ̆oxlextimu muessesepeşen K̆oç Holdingişi idare heyetişk̆elen. Emuşeniti timoʒ̆onderi voret çkin.

Ali İhsan Aksamazi: Ağani k̆ult̆uruli p̆rojepe giğunani nosis? Ar ketabi oç̆aru steri p̆roje giğunani?

Sabri Aslişeni: Lok̆aluri maanaten, eskiziş p̆rojepe komiğun ma.  K̆ult̆uri- adetepe çkinişen berepeşi sterapape coxoni noçalişe çkimi ren aya eskiziş p̆rojepeşi doloxe. Eşo-aşo goç̆k̆ondineri Lazi berepeşi sterapape ç̆areli do suretiten orijinaluro oʒ̆opxu guris mek̆amilaps. Tkvani tecruboni noçalişepe do gamantanuri fik̆irepeşen do p̆edagogi çili çkimişi fik̆irepeşen feide ožiruti guris mek̆amilaps. Pskida na, aya noçalişe çkin maʒ̆opxan na, ek̆uleni nesilepes do entepeşi berepes dido pelaperi ç̆areli odude  aqvasunonan. Majura k̆eleti ek̆uleni ʒ̆anas, Uçamzoğaşi rak̆anoni oput̆epes mcveşi eserepe goşogoru, aya eserepeşi odude ambarepe do didopetenti gonoşinepe ok̆orobu şeni speroş noçalişe oxvenuti guri mek̆amilaps.

Ali İhsan Aksamazi: Ma dido şukuri giʒ̆umert. K̆itxalepes tişen k̆udelişa k̆ut̆alişa nena gemiktirit. Çkva mu ptkva?! Çkva mu gk̆itxat?!  Ma ok̆itxuşi çkva mutu va miğun guris. Tkvan otkvaluşi çkva mutu giğunan na, eti miʒ̆vit, mu iqven!

Sabri Aslişeni: Ma dido şukuri giʒ̆umert, tkvan  fursat̆i momçit do emuşeni. Aʒ̆i muxuri çkinis va pskidur nati, xalk̆i çkinişi k̆ult̆uruli nok̆uçxenepe va gondunas yado, lok̆aluri adetepe do k̆ult̆uri çkini ek̆uleni nesilepeşa mç̆ipaşaşi nunç̆işinu şeni, şurdoguriten oçalişu guris mek̆amilaps. Bolaki gemacginen!

+

რაკანონი ოფუტეფეს ნოჩალიშე ოხვენუთი გურის მეკამილაფს!”

(გოწოთქვალა: აწი საბრი ასლიშენი კალა ვორე მა. ანდღანერი მუსაфირი ჩქიმი რენ საბრი ასლიშენი.  საბრი ასლიშენი რენ დიდო ჩქინაფერი არ კოჩი. დიდო დულჲამხვენუ გამანთანერი ჩქინი რენ. საბრი ასლიშენის ქუღუნ დიდო ღირსონი კულტურული ნოჩალიშეფე კართა სფეროს; თიშენ კუდელიშა დიდო კაფეტი კულტურიშ კოჩი რენ საბრი ასლიშენი. მაგეზეთე, მჭარუ, მაგომორგვე, მაфოტოგრაфე, გუდასთვირე დო მაგერმე რენ ემუ. საბრი ასლიშენი კალა არ ინტერვიუ დოპი მა. ჩქინ მოლაფშინით მუში კულტურული ნოჩალიშეფეშენ. ედო აჲა რენ ჩქინი ინტერვიუში ტექსტი.  (ალი იჰსან აქსამაზი)

+

ალი იჰსან აქსამაზი: იფთი ბიჲოგრაфი თქვანიშენ ბღარღალათ, მუ იყვენ! წოხლენი სქიდალა თქვანიშენ მოლამიშინით! სო დო მუნდეს ჲეჩქინდით, დიბადით? სონური რეთ? ნამუ ოფუტეში სქირი რეთ? მი ოღლეფეში რეთ? მუ დულჲა იქიფთ? ჩილერი რეთი? ბერეფე გიყონუნანი?

საბრი ასლიშენი: მა (55) ჟურე ნეჩი დო ვიტო ხუთ წანერი ვორე. ნოღა არტაშენიში ოფუტე აღვანის დოვიბადი მა. (20) ეჩი მარიაშინას დოვიბადი. არტაშენური ვორე. ღომუნოღლი, (თურუდი, მოლლასალიღი) ვორე. ეშო ფთქვათ ნა, აშო ფთქვათ ნა, მეხოლე (35) ეჩი დო ვიტო ხუთ წანაშენდონი მაგაზეთა ვორე. ჰემი მაგაზეთა ჰემითი  მჭარუ ვორე, ჰემითი ბუნჯინაში სფორეშათი თოლი ქომიღუნ. აჲათი, მესლეღეფე ჩქიმიშენ ართერი რენ. ეშო მაზიტენ მა.  ჩილერი ვორე დო არ კულანი ბერე ქომიყონუნ. ბერე ჩქიმი რენ (22) ეჩი დო ჟურ წანერი.

ალი იჰსან აქსამაზი: ნამუ ნწოფულაფეს იგურით? ნამუ ნენაფე გიჩქინან? აწი სო სქიდუთ?

საბრი ასლიშენი: მა დოვიგური ანადოლუში უნივერსიტეტიში ხალკი კალა მუნასეფეთეფეში ბურმეს.  ხოლოთი ვიგურაფ ართნერი უნივერსიტეტიში фოტოგრაфიში ბურმეს. Фრანსული დო ინგლისური ნენაფე ქომიჩქინ. ედო ენთეფეში სევიჲე დომიბაღუნ დღალური ოხმარუს. ლაზური ნენა მუკონარი მიჩქინ ნა, ეკონარითი დომაკითხენ დო მაჭარენ. ჩილი ჩქიმიქ იჩალიშეფს ნანანოღა ანკარას, ემუშენი მათი ნანანოღა ანკარას ფსქიდურ.

ალი იჰსან აქსამაზი: მა მიჩქინ, თქვან მაგაზეთე/ ჟურნალისტი რეთ. კულტურული ანდერი ჩქინი ოსქედინუ შენი მაკალეფეთი ჭარუფთ თქვან. ედო თქვანი მაკალეფე არ გაზეთას ვარდო, დიდო გაზეთას გამიჩქვინენ; აჲა ქომიჩქინ. თქვანთი გინონან ნა, იფთი ბერეფეში მჯვეში სთერაფაფეშენ ბღარღალათ. ბერეფეშ მჯვეში სთერაფაფეშენ მოლამიშინით, მუ იყვენ! ეჲა სთერაფაფეში ლაზური ჯოხოფე ქომომჩით, მუ იყვენ, ეჲა დომიბაღუნ.

საბრი ასლიშენი: მეხოლე (35) ეჩი დო ვიტო ხუთ წანა რენ, მა მაგაზეთა ვორე; აჲა დულჲა ვიქიფ. ბერობა ჩქინიში სთერაფა, აწინერეფე სთერი ვა რტუ; ჩქვაფებურა რტუ. კართა წანაში გრუბიშენ ბერეფეს ჩქვადოჩქვა სთერაფა ქუღუტეს. კართა წანაში გრუბის თითო სთერაფა ქუღუტუ. ედო ჩქინ ჩქინი გრუბიში დოლოხე ვისთერტით ეჲა სთერაფა. ჩქინი შენი, ემინდრონერი კართა აქთივიტე რტუ სთერაფა; ეშო რტუ. მჭითა ლეტა დო წკარითენ, ტალახი ვიქიფტით ჩქინ. აჲა რტუ ბერობა ჩქიმიში ენნი მსქვა  სთერაფა. აჲა სთერაფას ჯოხონტუ “ლეტაშ ოლიობირუ”. აჲა ჯოხო მეფჩერეტი მა. აჲა ჯოხო გევოდვერეტი მა ეჲა სთერაფას.  ბერობა ჩქინიში სთერაფაფეში ჯოხოფეშენ მოლაგიშინათ: კუქუ ტა-ონტობინუ, დიდა მანგისა, თოჭი მოკაფინუ, ცუკანი, წუქვაპი, ოქთიმონი, შურდული, მილი ხუტულა, ლეტაშ ოლიობირუ, ომპურინა, ფირფილა, დოკანური, ფიცარი ოქტიმაშე, ენცუნა-ფენცუნა, ოკანწურე, კაპულა ჯეხუნუ, მაწკინრი ოშინახუ, фოტა ტხიმოზა.

ალი იჰსან აქსამაზი: ანდღანერი ნდღასთი აჲა სთერაფაფე ოსქედინუ შენი მუეფე ოხვენუში ვორეთ ჩქინ? თქვან მუ იზმონთ?

საბრი ასლიშენი: მთინი გიწვათ, ანდღანერი ნდღას, ჩქარ მითის დობაღინე დო მეჩამურა ორა ვა მიღუნან ბერეფე ჩქინიშა. მოხვა ორა ვა მიღუნან ბერეფე ჩქინი შენი; ანდღანერი დიდი ნოღაში კაოსიში გური შენი რენ აჲა. ბერეფე კალა ფელაფერი ორა მეკალაფუში შანსი ვა მიღუნან. არ კელე ოჩალიშუ, მაჟურა კელე ოხორიში დულჲაფე. ნანა დო ბაბაფექ უდოდგინუ- უდოხუნუ ენდიშე-თელაშითენ სქიდუნან; ჲონკაპუში თელაშის რენან. არ მუთუფე გონდინუში შქურინა ქუღუნან ნანა დო ბაბაფეს.  აშოთენ წანაფე მეკულუნ. არმციქა რტას ნათი, ბერეფე მუთეფეში კალა ოკოხედუ, მჯვეში ამბარეფე მუთეფეშიშენ მოლაშინუ, ენთეფეში ბერობაშენ ოღარღალუში ორათი ვა უღუნან ნანა დო ბაბაფეს, გონეფთი! ამკათა დულჲაფეშათი თოლი ვა უღუნან ენთეფეს; ეშო ვიზმონ მა. მცუდი ვა რენ; ნანა-ბაბა-ბერეშ ყოროფა ჲეჩქინდუნ ირთიბათი დო фიზიკური თემასიშენ. აჲა თემასიში ვასითათენ, ჩქინი კულტური-ადეთეფე დო ბერეფეში სთერაფაფე ბერეფე ჩქინის ოგურამუში შანსი მაყვენან ჩქინ. ადეთეფე- კულტური ჩქინი, ეკულენი ნესილეფეშა ნუნჭიშინუ შანსი აშოთენ მაყვენან. აშო ვა პათ ნა, კულტური ჩქინი ხეფე ჩქინითენ ვოღურინათენ, დაჩხირი ჩქინი ვოსქირინათენ; აჲა კაიხეშა მიჩქიტან.

ალი იჰსან აქსამაზი: მა მიჩქინ, თქვან გუდასთვირი დო ქემანჯეთი გელაჩაფთ. მთინი მიჩქინი?! მუნდეს დო მიშენ იგურით გუდასთვირი დო ქემანჯე გელაჩამუ?

საბრი ასლიშენი: ვარ, ვარ! გუდასთვირი დო ქემანჯეში გელაჩამუ ვა მიჩქინ მა. მარა სვალჲარული კულტური ჩქინიში მუსიკალური ალეტეფეშენ გუდასთვირი დო ქემანჯეშ სერსის ოსიმინუ დიდო კაი მაწონენ.  ქორიტიში ტკებითენ ხვენერი გუდასთვირიშენ გამახთიმერი სერსი რენ დიდო ლოყა. მარა გუდასთვირი გელაჩამუქ გაკვანს მაჰარეთი დო უსტატობა; აჲა მიჩქიტან იფთი. ჰელეთი აჲა სერსის, ლაზონა დო ჲულვა უჩამზოღაში მჭიმაში მტკაფეს ოსიმინუ რენ დიდო ლოყა. ოსიმინუთენ ვა იძღერთ; აჲა გიჩქიტან!

ალი იჰსან აქსამაზი: ლაზი ოხოჯალეფექ შურდოგურითენ იჩალიშაფან, მარა ქიმოლეფე მუთეფეშიქ ხემბოში დოხედუნანჲა თქუმერნან ნამთინი კოჩეფექ. ეშო რენი? თქვან მუ გაძითენან აჲა ამბარი შენი?მუ იზმონთ თქვან?

საბრი ასლიშენი: ჰო, პანდა ეშო ითქვენ. ედო აჲა რენ თენკიდიში მევზუ. “რიზინური  ოხორჯალეფექ უდოდგინუ-უდოხუნუ იჩალიშაფან დო ქიმოლეფე დოხედუნან დო პანდა ქეიфი იქიფან!” აშო თქუმერნან გალენეფექ. აჲა დულჲას ქუღუნ არ სებები. ქიმოლი რენ მაკურბეთე დო აჲა ხალი მოხთიმერი რენ კურბეთიში ადეთიშენ. წოხლენი ორაფეს, ჩქინ ჩაჲიში ზირაათი ვა მიღუტეს ლაზონას. ედო ქიმოლეფე რტეს  მაკურბეთე…

1800-ონი  წანაფეშენ 1937 წანაშა,  ნოღა ბათუმი დო ნოღა სოხუმი რტუ ბეჯითი თიჯარეთიშ შქაგურეფე.  ბათუმი დო სოხუმი  რტუ ჲაკინი ჰემი გზა მუშითენ ჰემითი კულტური მუშითენ ჩქინდა. ოშქარული ღირაფე დიდო ქომიღუტეს ემინდროს.  ემუშენითი ემინდრონერი აქონი კოჩეფეში კურბეთი  რტუ ბათუმი დო სოხუმი. სინორი გეინკილუში, მილლეთი იდუ დიდოფეთენ ანკარა, ისტანბოლი დო იზმირიშა დო მაჟურა ნოღაფეშა.  აჲა ეკონომკიური ხიჯრეტიში გურინე, დიდოფეთენ გალენეფექ თენკიდეფე იქიფან დო  ოხორჯალეფექ უდოდგინუ-უდოხუნუ იჩალიშაფან დო ქიმოლეფე დოხედუნან დო  პანდა ქეიфი იქიფან ჲადო  არ შაჲია გამახთერენ. მთინი გიწვათ, ქიმოლეფექ ოჩალიშუ შენი კურბეთიშა ულუტეს ფარა მოგაფუ შენი მჯვეში ორაფეს. ედო მუხური ჩქინიში ოხორჯალეფექთი ოხორი დო ყონაში დულჲაფე იქიფტეს ოფუტეფეს. დულჲა ეშო იყუშითი, ოხორჯაქ ქიმოში მუშიში დულჲაფეთი იქიფტუ ოფუტეს. აჲა ადეთი ემინდრონერი სოსჲალური ხალიშენ ჲეჩქინდერენ; აჲა კაიხეშა იძირენ. ჩქინთი აჲა ხალი ოხომაცონენან. მორო მუ, მუხური ჩქინიში ნამთინი ქიმოლეფესთი ჩილეფე მუთეფეში გამაშვალუშა თოლი ქოგიღუნან; აჲათი ქომიჩქინან. მარა აჲა ზმონა დო გაგნაფა ვა რენ გონტალერი მთელი მუხური ჩქინის; აჲათი ქომიჩქინან ჩქინ.

ხილაфი მუთუ ვა გიწვათენ. დობადონა ჩქინიში კართა მუხურის გოფთი, კართა შეჲითი ქობძირი მა. გალენი მეხოლე ვით დობადონასთი გოფთი მა. ჰო, გალენი დობადონაფეს ვორტი, ემინდროს აჲა დობადონაფეში მსქვანობაფე დო კაჩკარეფეში მსქვანობა ოკოზიმუშა თოლი ქომიღუტუ მა პანდა. ედო პანდა  კაჩკარეფე მალანდეტუ მა ოკიჲასუ შენი.  მუმქუნი ვა რენ. ოკიჲასუში მუთუ ვა რენ. მთინი გიწვათ, კაჩკარეფე ჩქინიში ბუნჯინას მენგაფერი ვა უღუნ მთელი დუნჲას. ამკათა მსქვა სვა ვა რენ დუნჲას.  ჲულვა უჩამზოღაში მუხურის გერმაფე, ღალეფე, გოლაფე დო ტიბაფე მუშითენ, ბუნჯინალური მსქვანობა ქუღუნ. მარა ართნერი ორას,  ჯოღრაфჲა მუშითი მონკა რენ. ედო ხალკიში ოსქიდუ დო ოჩალიშუთი რენ დიდო მეჭირელი აჲა ბუნჯინაში დოლოხე. აჲა მეჭირელობა კალა ბაში ოხვენუ შენი, ჩილი დო ქიმოლი ოჩალიშუში რენ, ხეს ხე მეჩამერი დო ანანკენითენ. ოთეხუშენ გენომსქიდე მჯვეში ადეთეფე მეშქვინუ დომაჭირნან. მა დოფხედა დო სი იჩალიში; ამკათა ზმონა დო გაგნაფა ვა რენ მოდერნური კოჩიში. აჲა პატი ადეთითი მეშქვინუთენ, უჩამზოღაში მუხურიქ ხალკი დო ბუნჯინა მუში კალა დაათი იხამფასუნონ.  აშოთენ დობადონა ჩქინი იყვასუნონ ტურიზმიში ჯენნეთი დო დიდინობა მუში ოგნაფასენ მთელი დუნჲას.

ალი იჰსან აქსამაზი: თქვან მაგერმე/ ალფინისტი რეთ; აჲათი ქომიჩქინ. გოლვაფეთი იქიფთ. აჲა გოლვაფე თქვანიშენთი მოლამიშინით, მუ იყვენ! სო, ნამუ მუხურეფეს იქიფთ აჲა გოლვაფე? გოლვაში დერნეღეფე დო შირკეთეფე გიღუნანი?

საბრი ასლიშენი: ოშქენონი ნწოფულაში ორაშენდონი, მა ბუნჯინაში დოლოხე ვორე. ბუნჯინაში ყოროფა, რამეთლი ნანა ჩქიმიშენ დო фოტოღრაфი დო ალპინიზმიში ყოროფათი “გერმაფეში  რეიზი” ძეგნონი მუჰამმეთ ონჩირაქ ჯუმადი ჩქინიშენ დოვიგური მა; ეცხალა ქომიღუნ ენთეფეშა მა. თურქიჲეში ალპინიზმიში Фედერასჲონიშენ წოხლენი ორაფეს, პროфესორ დრ. ჲილმაზ ერგუნი ხოჯა ჩქინიში ინისიჲატიфითენ, ალპინიზმიში დერნეღი გეიდგინერენ 1960 წანას, ნოღა ჩქინი არტაშენის.   აჲა დერნეღიში ლანდეთენ, ალპინიზმი იკაპეტინერენ კაჭკარეფეში წალენკელეფეში Фურტუნაში ვადის. ეჲა დერნეღიქ აჲა სპორიში ომორდინუს ნუშველერენ. “ჲულვა უჩამზოღაშ კაჭკარიში ალპინიზმი დო ბუნჯინაში სპორეფეში იხთისასიში კლუბი” ჯოხონი დერნეღი გეიდგინუ 1998 წანას. აჲა დერნეღი რტუ თეშქილათონი კართა სფეროს.  აჲა დერნეღიშ გედგუს შურდოგურითენ ვიჩალიში მა; გოწოჯღონერი დოვიყვი მა აჲა  დერნეღიშ გედგინუს. აჲა კლუბიში ლანდეთენ, სპორტული фაალიჲეთეფე, фესტივალეფე დო ალპინიზმიში შენლუღეფე დოპით. ედო აჲა სპორტული фაალიჲეთეფე, фესტივალეფე დო ალპინიზმიში შენლუღეფეში ლანდეთენთი,  ხვალა მუხური ჩქინიში ჯოხო ვარ, უჩამზოღაში მთელი მუხურეფეში ჯოხო იგნაფინუ ჰემთი მუხურული ჰემითი მილლეთური მედჲაში ხეთენ. თქვანი ვასითათენ, აჲა დერნეღიში ემინდრონერი დო აწინერი მაგედგინე მაკათურე, მაკათურე, მაოქთალე დო  დუდმახვანჯეფეს დიდო შუქური ვუწუმერ მა, ენთეფეს ემეღი უღუნან აჲა ოჩინაფუს დო ემუშენი. კლუბი ჩქინიქ გოლვაფე იქიფს მთელი უჩამზოღაში მუხურეფეს, დიდოფეთენ დოლონიშ ჩოდინაფეს. კლუბი ჩქინიქ ხვალა მთელი თურქიჲეს ვარ, გალენი დობადონაფესთი  სპორი დო გოლვა შენი პროგრამეფეთი იქიფს წანაში მეჩქინერი თუთაფეს. კლუბი ჩქინი შირქეთი ვა რენ. კლუბიში фაალიჲეთეფე, სპორტული გაგნაფათენ იხვენენ; აჲათი მიჩქიტან.

ალი იჰსან აქსამაზი: თქვან არტაშენიში სერსი ჯოხონი გაზეთაში ჭკონეფეში ართ-ართი რეთ. ეშო მიჩქინ. თქვანთი გინონან ნა, ამციქათი აჲა გაზეთაშენ ბღარღალათ!

საბრი ასლიშენი: “არტაშენიში სერსი” რენ ნოღა ჩქინი არტაშენის გედგინერი მუხურული არ გაზეთა. დიდო წანაფე წოხლე რტუ, ჭიჭიტა მექჲანი ქუღუტუ დო ეშო გამიჩქვინუ. არ ფაცხას  ნუნგაფტუ, ეშო მაზიტენ აწი, ხვალა არ ნეკნა დო არ ფენჯერე ქუღუტუ ეჲა მექჲანის. ეჲა მექჲანი დიდო მწულე რტუ დო ექ ჲეჩქინდუ გაზეთა ჩქინი. ხურუфათიში (ტიპოში) фორმათითენ ქოგამახთუ დოლონის არ фარა. იფთინერი დღა მუშიშენ დონი მთინი, ჰელალი, უკელენარი დო პრენსიპონი არ ღარა ქუღუტუ, აწითი ართნერი ღარათენ გამიჩქვინენ “არტაშენიში სერსი”. მარა ანდღანერი ნდღას, მოდერნური ოфსეტური თესისეფეს გამიჩქვინენ, დღალურო გამიჩქვინენ.  მეხოლე გვერდი ოშწანურაშენდონი, მაკითხალეფე მუშის ამბარეფე მეჩაფს არტაშენიში სერსიქ. თი-მუთეფეშიში იმქჲანეფეთენ ოსქიდუ რენ  დიდო მეჭირელი მუხურული დო ტერიტორჲალური გაზეთეფე შენი; ეშო რენნათი, “არტაშენიში სერსი” გამიჩქვინენ 25 წანაღანი 1973-შენ ანდღაშა, 46 წანაშენდონი უმეკვათერო. თქვანი ვასითათენ, მა იფთი გაზეთაში მაგედგინე ავოკატი სედათ ქაჰჲა ხოჯა ჩქიმი დო აჰმეთ ოზჯან ბეგის შუქური ვუწუმერ. ენთეფექ “არტაშენიში სერსი,  ჰედიჲე ქომომჩეს დო ემუშენი. ხოლო “არტაშენიში სერსიში” фიკირიშ მადულჲეფე, მჭარუფე დო მთელი მადულჲაფეს შუქური ვუწუმერ მა.

ალი იჰსან აქსამაზი: ანდღანერი ნდღას, თქვან ნანანოღა ანკარას სქიდუთ? ნანანოღა ანკარას კულტურული დერნეღი გიღუნანი? გიღუნან ნა, ნამუ კულტურული დულჲაფე იქიფთ დერნეღის?

საბრი ასლიშენი: სქიდალა ჩქიმიში ოშიშენ 60 ბუნჯინას მეკოვოლაფი მა, რახატი-რახატი  ფსქიდი. ემუშენითი დიდი ნოღას ოსქიდუ მეჭირელი მომიხთეფს. მეხოლე 5 წანა რენ,  ნანანოღა ანკარაში მუხური კავაქლიდერეს ფსქიდურ, ჩანკაჲას ფხერ მა. ნოღა ჩანკაჲაში სოქაღი ბაჲინდირის “არტაშენიში კულტურიშ ოხორი” (არდერ) ჯოხონი არ დერნეღი ქომიღუნან. მეხოლე 500-შენ მეტი მაკათურე უყონუნ დერნეღი ჩქინის. დერნეღი ჩქინიში დუდმახვაბჯე რენ აჰმეთ უსთოღლი. ტეკაუდი მათემათიკაში მამგურაფალე რენ. სქიდალა მუში გამანთანა-გურაფა შენი გოლაჩქვინერი ქუღუნ.  დერნეღიში დუდმახვანჯე დო იდარე ჰეჲეთიში მაკათურეფო, ჩქინ არ მისჲონი ქომიღუნან.  ანკარა დო ანკარაშ გალე სქიდერი არტაშენურეფეში შქას არ ხინჯი სთერი ვიჩალიშეფსთ ჩქინ. სოსჲალური, კულტურული გამანთანური სფეროს ვიჩალიშეფთ. არტაშენიში კულტურიშ ოხორიქ დიდო კულტურული фაალიჲეთეფე იქიფს არ წანას მორგვალის. ემუშენითი დერნეღი ჩქინი მაჟურაფეშენ დიდო фაალიჲეთონი დერნეღი გოშიცხუნუ  დობადონა ჩქინიში წოხლეხთიმუ მუესსესეფეშენ კოჩ ჰოლდინგიში იდარე ჰეჲეთიშკელენ. ემუშენითი თიმოწონდერი ვორეთ ჩქინ.

ალი იჰსან აქსამაზი: აღანი კულტურული პროჟეფე გიღუნანი ნოსის? არ ქეთაბი ოჭარუ სთერი პროჟე გიღუნანი?

საბრი ასლიშენი: ლოკალური მაანათენ, ესქიზიშ პროჟეფე ქომიღუნ მა.  კულტური- ადეთეფე ჩქინიშენ ბერეფეში სთერაფაფე ჯოხონი ნოჩალიშე ჩქიმი რენ აჲა ესქიზიშ პროჟეფეში დოლოხე. ეშო-აშო გოჭკონდინერი ლაზი ბერეფეში სთერაფაფე ჭარელი დო სურეთითენ ორიჟინალურო ოწოფხუ გურის მეკამილაფს. თქვანი თეჯრუბონი ნოჩალიშეფე დო გამანთანური фიკირეფეშენ დო პედაგოგი ჩილი ჩქიმიში фიკირეფეშენ фეიდე ოძირუთი გურის მეკამილაფს. ფსქიდა ნა, აჲა ნოჩალიშე ჩქინ მაწოფხან ნა, ეკულენი ნესილეფეს დო ენთეფეში ბერეფეს დიდო ფელაფერი ჭარელი ოდუდე  აყვასუნონან. მაჟურა კელეთი ეკულენი წანას, უჩამზოღაში რაკანონი ოფუტეფეს მჯვეში ესერეფე გოშოგორუ, აჲა ესერეფეში ოდუდე ამბარეფე დო დიდოფეთენთი გონოშინეფე ოკორობუ შენი სფეროშ ნოჩალიშე ოხვენუთი გური მეკამილაფს.

ალი იჰსან აქსამაზი: მა დიდო შუქური გიწუმერთ. კითხალეფეს თიშენ კუდელიშა კუტალიშა ნენა გემიქთირით. ჩქვა მუ ფთქვა?! ჩქვა მუ გკითხათ?!  მა ოკითხუში ჩქვა მუთუ ვა მიღუნ გურის. თქვან ოთქვალუში ჩქვა მუთუ გიღუნან ნა, ეთი მიწვით, მუ იყვენ!

საბრი ასლიშენი: მა დიდო შუქური გიწუმერთ, თქვან  фურსატი მომჩით დო ემუშენი. აწი მუხური ჩქინის ვა ფსქიდურ ნათი, ხალკი ჩქინიში კულტურული ნოკუჩხენეფე ვა გონდუნას ჲადო, ლოკალური ადეთეფე დო კულტური ჩქინი ეკულენი ნესილეფეშა მჭიფაშაში ნუნჭიშინუ შენი, შურდოგურითენ ოჩალიშუ გურის მეკამილაფს. ბოლაქი გემაჯგინენ!