Ali İhsan Aksamaz 

(Ön açıklama: Bugün de bir misafirim var. Bugünkü misafirim Ayşe Pişkin. Ben kendisini 2012’den beri tanıyorum. (Ç.H.İ.)  Çerkes Hakları İnisiyatifi, bir Çalıştay düzenledi, 2012’nin Şubat  25- 26’sinde. Ben de oradaydım. Ayşe Hanımı oradan tanıyorum. Öyle hatırlıyorum. Sonra Ankara’da karşılaştık, 14 Ağustos 2014’de. Ayşe Hanım da, ben de (Ç.D.P.) Çoğulcu Demokrasi Partisi’nin 34 kurucusundan ikisiydik. Daha sonra Ayşe Hanım, 7 Haziran 2015 Seçimlerinde Düzce’den bağımsız milletvekili adayı idi, ÇDP’den. Ben de İstanbul 2. Bölgeden adaydım. Ayşe Hanım,  Çerkes Aydınlarından ve çeşitli derneklerde kimliğini, anadilini yaşatmak için canla-başla çalışıyor. Ayşe Hanım ile bir söyleşi yaptım. Bu, söyleşinin metni. (Ali  İhsan Aksamaz)

+

Ali İhsan Aksamaz: Ayşe Hanım, biliyorum, Kafkasya (Çerkesya) muhacirlerindensiniz. Daha doğrusunu söyleyelim; Kafkasya’dan sürgün edilen Çerkes ailelelerinden birinin çocuğusunuz. Kaçıncı nesildensiniz, Türkiye’ye yerleşen? Kafkasya’da da köyünüz var mı? Varsa, adı nedir? Siz nerede doğdunuz? Bugünkü köyünüzün adı nedir? Eski Çerkes soyadınız var mı? Varsa, lütfen söyleyin.

Ayşe Pişkin: Çok teşekkür ederim, Ali İhsan Bey. Ben de sizi tanımaktan büyük mutluluk duyuyorum. Sizi Öncelikle bir vatandaş, sonra da aynı amaçlar için ayrı kulvarlarda koşan bir yoldaş olarak yakın hissediyorum. Buna duygudaş demek istiyorum. Farklı kültürlere sahip, kültürlerimizin kaybolmaması ve geleceğe taşınması için çırpınan nice insanlardan ikisiyiz.

Ben, sizin de ifade ettiğiniz gibi, Kafkasya’dan sürgün edilen atalarımızın 3. Nesil torunuyum. Doğrusunu söylemek gerekirse, dedemin tam olarak nereden geldiğini bilmiyorum. Ben dedemi göremedim. Tahmin ve araştırmalarıma göre Karadeniz’e  kıyı olan Soçi bölgesinden. Atalarımız, çektikleri acıları evlatlarına hiç anlatmamışlar. Hiç aktaramamışlar. Dedem 7-8 yaşlarında, aileden tek kalan erkek kardeşi ile  Samsun’a çıkmışlar. Yerleşim plânına göre, kardeşleri ayırmışlar. Dedem Düzce’ye gelmiş, kardeşi de Samsun da kalmış. Bir daha hiç görüşememişler. Dedem, hafız olmuş ve değişik köylerde görev yapmış. Babaannem ile evlendikten sonra, benim doğduğum köye gelmişler.

Köyümüz, Çerkeslerin ilk konakladıkları 45 haneye sahip Siyokoğlu Köyü dür.  Ben burada doğdum. Köyde herkes Çerkesçe konuyordu. Dolayısı ile ben de, önce Çerkesçe konuştum ve sonra Türkçe’yi öğrendim.  Dedemin sülâlesinin adı Khamtokht’ur. Soyadı kanunu çıktıktan sonra Pişkin olmuş. O zamanlar akraba ve aynı sülaleden olanlar mümkün olduğu kadar aynı soyadını almışlar. Ben hala Khamtokh kızıyım. Kızlar, hep baba sülalesinin kızıdır.

Ali İhsan Aksamaz: İlk, orta ve diğer okulları nerede okudunuz?  Okuldan sonra ne işler yaptınız? Şimdi emeklisiniz. Öyle biliyorum. Çocuklarınız var mı?

Ayşe Pişkin: İlkokulu, doğduğum köyde Siyokoğlu ilkokulunda okudum. Okulumuz merkeze bağlı, zamanında, Fransızca ve Farsça eğitim veren ünlü bir okulmuş. Çevredeki tüm köylerin çocukları bizim okula gelirlerdi. İki dershanesi, bir öğretmen o ve teknik odası, bodrumu olan güzel bir taş binaydı. Şu anda tarihi eser bünyesinde, yenilenmesini bekliyor.  Beş kişilik sınıfta, sıramı paylaştığım arkadaşım Laz Ali idi.

İlkokulu bitirdikten sonra, okuma arzumun önüne geçmeyen ailemi bırakarak yatılı olarak İstanbul’a geldim. Birkaç hayırsever kadının iş ve güç birliği ile ortaokulu Levent Ortaokulunda okudum. Hiç harcama yapmadan. Allah her birinden razı olsun. Ve beni vesile olup, İstanbul’a getiren Kazım Taymaz Hocam’dan. Nurlar içinde yatsınlar.

Sonra da Amerikan Hastanesi’nin Hemşirelik Okulu olan Amiral Bristol H. Koleji’nin sınavını kazanarak okula girdim ve mezun oldum. Ardından aynı hastanede işe başlayarak 32 yıl hemsire olarak çalıştım. Hemşireliğin her kademesinde hizmet verdikten sonra emekli oldum. Mesleğimi severek, tat alarak büyük bir zevkle icra ettim. Bu arada, Hemşirelikte ön lisans, Lisans, işletme Lisans ve otelcilik okudum.  Emekli olalı 24 yıl oldu. Halen aralıklarla çalışma hayatıma devam etmekteyim. Üniversite son sınıfta okuyan bir kız çocuğum var.

Ali İhsan Aksamaz:  Köyünüzde hangi kökenden insanlar yaşıyor? Köyünüzde yalnızca Çerkesler mi yaşıyor? Başka kökenlerden insanlar yaşıyor mu?

Ayşe Pişkin: Önceleri, tüm köy tamamen halkı Çerkes idi. Farklı sülâlelerin bir arada olduğu bununla birlikte aynı lehçeyi konuşan Çerkeşlerden oluşturulmuştu. Aynı yörenin halkı, aynı lehçe, oyun ve geleneklere sahipti. 45 haneli olan köy, uzun seneler bu özelliğini korudu.

1960 yıllarda, Doğu Karadeniz Bölgesi’nden gelen Lazlar önce E 5 Kara Yolu kıyısına yerleşmişler. Zamanla köyün merkezine de gelmişlerdir. Bizim evin hemen yanına da Laz bir aile taşınmıştı. Ben de böylece çocukluğumdan itibaren Lazları tanıma fırsatı buldum. Denize dökülen atalarımızın etlerini yediler diye yemediğimiz balığı, onların sayesinde yemeye başladık. Mısır ununa bulanmış ve nar gibi kızarmış hamsiyi onların sayesinde sevdim. Karalâhanayı, hamsili pilâvı, hamsili ekmeği, kuymağı onlardan öğrendim. Kültürlerimizin oldukça farklı olmasına rağmen, birbirimizi çok sevdik. Eşine iyi davranmayan Osman Amca’ya inat, karısı Hatice’yi bağrımıza bastık. Hatice Abla da ölünceye kadar bizim içimizde sevgiyle yasadı. Köyümüze daha sonra Lazların gelişi Çerkes Laz oranını değiştirdi. Lazlar çoğunluğa geçerek muhtarlığı bile aldılar. Her iki toplum, birbirleriyle oldukça mesafeli, fakat uyum içinde birlikte yaşıyorlar. Babam öldüğünde, hiç tanışmadığımız Laz Hanımlar, “abimiz öldü” diye ağıtlar yaktılar.

Ali İhsan Aksamaz: Biliyorum, 7 Haziran 2015 Seçimlerinde siz Düzce İlinden bağımsız milletvekili adayı idiniz, ÇDP’den. Seçim kampanyanızdan ilginç anılarınız var mı? Söylemek isterseniz, bir-iki anınızdan bahsedin! Olur mu?

Ayşe Pişkin: Milletvekili adaylığım güzel bir deneyim oldu. Hiç düşünmediğim ve plânlamadığım bir serüvendi benim için. % 70 ine yakını iktidar partisinden olan doğduğum şehirde, bir karınca misali varlık göstermeye çalıştım. Bu da benim gücüme güç kattı.

“Ayşe ler de Meclise Gitmeli” diye afişler hazırlamıştım. Bir de baktım, ertesi günü Ankara’dan Düzce doğumlu Ayşe İktidar partisinden aday gönderildi.

Ve Ben Düzce’nin Ayşe’ si olarak lanse edildim.  Bir akşam da İsim karışıklığı nedeniyle biz iki Ayşe, aynı evde aynı saatte toplantı yaptık. Tabii ki karşı karşıya geldik. Tanıştık ve ve birbirimize başarılar diledik. Onun sayesinde toplantılarımın en görkemlisini yapmış oldum. Lüks arabalar ve korumalarla bir an kendimi Ankara’nın Ayşe’si sandım.

Bill Boardlarda, afişlerde ve az sayıda da olsa televizyonlarda boy göstermek güzeldi. Siyaset yapabilir miyim derseniz. “Asla” derim. Kazandığım takdirde politika yapmayı değil, halkım için çalışacağımı düşündüm hep.

Ali İhsan Aksamaz: Ayşe Hanım, siz de Çoğulcu Demokrasi Partisinin bel kemiklerinden birisiniz. ÇDP’nin bugünkü çalışmaları hakkında söylemek istedikleriniz var mı?

Ayşe Pişkin: ÇDP, Kurucu üyeleri ile fazla büyüyemeden, azimle, yılmadan, umudunu kaybetmeden var gücüyle ayakta kalmaya ve varlığını sürdürmeye çalışıyor. Halkımız sadece seyrediyor ve harekete geçmiyor. Yeni oluşumlara her zaman bir direnç gösterilir sonradan kabul edilir. Bizde bu süreç fazlası ile uzadı. Sonuçta böyle bir partiye ihtiyaç var. Olmalı düsüncesiyle devam ediyoruz. Devam edeceğiz de. İnşallah bir gün amacımıza ulaşacağız ve çoğulcu halkı arkamızda göreceğiz.

Ali İhsan Aksamaz: Ayşe Hanım, siz de çok iyi biliyorsunuz, anadili önemli. Anadilinin, Çerkes Dilinin yaşatılması çok önemli. Çerkesçe, dünyanın en eski dillerinden bir tanesi. Ancak biliyoruz ki, Türkiye’de Çerkes Dili günden güne ölüyor.

Ayşe Pişkin: Ben bu konuda umutluyum. Örneğin ben, ilk konuştuğum ana dilimi unutmuş ve senelerce konuşamaz hale gelmişken, yeniden hatırladım. Ve de konuşmaya başladım. Uzun seneler, dil üzerine eğinilmedi, gereken önem verilmedi. Son yıllarda, üniversiteler, okullar, dil kursları ve yoğun dil çalışmaları sayesinde, yıllarca yapamadıklarımızı gerçekleştireceğimizden eminim. Teknolojiyi de iyi kullanırsak başarı kesinleşecektir. Ben umutluyum.

Ali İhsan Aksamaz: Radyo ve TV’de anadili ile, Çerkes Dili ile yayın çok önemli. Ancak TRT, yayın yapmıyor. Ne yapalım da, TRT, Çerkesçe ve diğer anadillerinde yayın yapsın?!

Ayşe Pişkin: Evet, TRT bu konuda umursamaz görünüyor. Bu konuda lobi oluşturulması gerekiyor. Biz toplum olarak, istemekten çekinen bir toplum. TV yayınını elde edinceye kadar yılmadan isteyeceğiz.

Ali İhsan Aksamaz: Ayşe Hanım; bu söyleşi için teşekkür ederim. Sorularıma ayrıntılı cevap verdiniz. Artık bu söyleşimizi sonlandıralım! Ancak söyleyecekleriniz varsa, onları da söyleyin. Allah, her zaman çoluk-çocuğunuzla sizi sevindirsin.

Ayşe Pişkin: Bana bu fırsatı verdiğiniz için ben teşekkür ederim. Sağ olun Ali ıhsan Bey. Dili, Kültürü, Kimliği olan herkes, bu değerlerini kaybetmemek, yaşamak ve geleceğe taşımak için elinden gelen her şeyi yapmalı. Bu konuda çalışan, emek veren herkesi kutluyor, emeklerinin karsılığını bulmalarını diliyorum. Allah, size de sevdiklerinizle birlikte sağlıklı uzun ömür ve güç versin. Saygı ve sevgilerimle.

+

“T̆eknolojişi Landetenti Çkva Gecgineri Viqvaten!”

(Goʒ̆otkvala: Andğati ar sumari komiqonun. Andğaneri sumari çkimi ren Ayşe P̆işk̆ini. Ma emu viçinop 2012 ʒ̆anaşen doni. (Ç.H.İ.)  Çerkesuli Xak̆k̆epeşi İnisiyat̆ifik ʒ̆opxu ar ok̆oxtala Derbent̆is noğa K̆ocaelis. Aya ok̆oxtala rt̆u jur dğas, 25-26 K̆unduras, 2012 ʒ̆anas. Mati ak vort̆i.  Edo ma Ayşe Xanumi ekolen viçinop. Eşo komşuns.   Uk̆ule xolo nananoğa Ank̆aras komomxvadu, 14 Mariaşina 2014 ʒ̆anas. Ayşe Xanumiti, mati (ÇDP̆-şi) “P̆luralist̆uri Demok̆rasişi P̆art̆işi  34 magedginalepeşen juri vort̆it. Uk̆ule Ayşe Xanumi rt̆u ti-moşletineri k̆andidat̆i noğa Duzces, ÇDP̆şen, 7 Mbuloba 2015 ʒ̆anas. Mati ti-moşletineri k̆andidat̆i vort̆i İst̆anbolişi majurani noʒ̆ileşen.  Ayşe Xanumi ren Çerkesi gamantanerepeşi art-arti do minoba muşi, nena muşi oskedinu şeni gurdoşuriten içalişeps çkvadoçkva derneğepeşi doloxe. Ma Ayşe Xanumi k̆ala ar int̆erviu dop̆i. Edo aya ren int̆erviuşi t̆ekst̆i. (Ali İhsan Aksamazi)

+

Ali İhsan Aksamazi: Ayşe Xanum, ma miçkin, tkvan Çerkesyaşi muhacirepeşen ret. Mtini ptkvat; Çerkesyaşen uçvuten get̆k̆oçineri Çerkesi ocağapeşi berepeşen arteri ret. Nak̆otxani diʒxirişen ret dobageri Turkiyeşa? Çerkesyes oput̆e giğunani? Giğunan na, oput̆e tkvanis mu coxons? Tkvan so yeçkindit, so dibadit? Aʒ̆ineri oput̆e tkvanis mu coxons? Mcveşi Çerkesuli gvari giğunani? Giğunan na, mu iqven, miʒ̆vit?

Ayşe P̆işk̆ini: Dido şukuri giʒ̆umert Ali İhsan Begi. Mati tkvan na giçinit şeni dido k̆ai maʒ̆onu.  Ma tkvan ipti hemi dobadonari çkimi, uk̆ule hemiti gzamşine çkimi gşinapt; xolosoni megabre çkimi gşinapt. Aya ren zmonamşinoba; ma minon eşo pşina çkini gzamşinoba çkini. K̆ult̆urepe çkini çkvaneri ren mara, juriti gzalepe bgorupt k̆ult̆urepe çkinişi oskedinu şeni, amk̆ata k̆oçepeşen voret juriti. Tkvanti tkvit eşo, ma K̆afk̆asyaşen uçvuten get̆k̆oçineri p̆ap̆uşp̆apupe çkimişi mota vore. Ma entepeşi mota vore (3.) masumani diʒxirişen.

Mtini giʒ̆vat, ma va miçkin p̆ap̆uşp̆ap̆upe çkimi solen get̆k̆oçineri renan, ma eya k̆aixeşa va miçkin. Ma p̆ap̆u çkimi va mažiru. Eşo visimadep do goşogorape çkimişenti matkven ki, Uçamzoğaşi Soç̆i coxoni noʒ̆ileşen get̆k̆oçineri renan. Eşo miçkin do eşo matkven tkvanda aʒ̆i.

P̆ap̆uşp̆ap̆upek dido ç̆vinape kožires emindros.  Mara mcveşepe çkinik emk̆ata ç̆vinapeşen çkar ambari va momçes. Berepe mutepeşati emk̆ata ambarepe oxoʒ̆onaperenan. Emindros p̆ap̆u çkimi t̆eren (7- 8) şkvit-ovro ʒ̆aneri. Edo ocaği muşişen emus duskideren xvala ar Cuma. Edo muşi k̆ala noğa Samsunişi zoğap̆icişa k̆uçxe gedgeret̆es. Emindroneri palanç̆inalaşi skidaldixaşi p̆lanitenti,  cumalepeşen arteri, p̆ap̆u çkimi, moxteren noşa Duzceşa do Cuma muşi doskideren noğa Samsunis. Uk̆uleti va ažireren jur cumas artikarti. Eşo miçkin.

P̆apu çkimi xafizi iqveren. Uk̆uleti xafizluği qveren çkvadoçkva oput̆epes.  Baba çkimişi nana k̆ala içileren. Uk̆uleti  oput̆eşa dibargerenan, so na mati yepçkindi.  Op̆ute çkinis coxons Siyok̆oğli. Aya oput̆e ren muhaciri Çerkesepeşi iptineri noskidalepeşi art-arti Turkiyes. (45) jure neçi do xut oxoroşi maxoroba kuğun andğaneri ndğas.  Ma yepçkindi, ma dovibadi aya oput̆es. İrik Çerkesuli nena ğarğalapt̆u emindros. Aşotenti ma ipti Çerkesuli nena kodoviguri do bğarğali, uk̆uleti Turkuli nena kodoviguri, bğarğali. P̆ap̆u çkimişi diʒxirimşinepes coxonan Hamtox. Çkini gvari iqveren P̆işk̆ini 1934 ʒ̆anaşi gvariş k̆anoniten. Mzaxali do diʒxirimşinepe çkimi, didopeten artneri gvariten işinen andğaneri ndğas. Ho, ma xoloti Hamtoxepeşi k̆ulani vore. Çkineburi adetiten, k̆ulanepe renan p̆anda baba mutepeşişi diʒxirimşinepeşi k̆ulani.

Ali İhsan Aksamazi: İptineri, oşke do majura nʒ̆opulape so igurit? Nʒ̆opulape şk̆ule mu dulyape qvit? Aʒ̆i t̆ek̆audi ret. Eşo miçkin. Aʒ̆i mu dulyapeten ibodert? Berepe giqonunani?

Ayşe P̆işk̆ini: Ma doviguri iptineri nʒ̆opula oput̆es, so na yepçkindi oput̆e Siyok̆oğlis. Nʒ̆opula çkini ren mek̆ireli şkagurişa. Edo ʒ̆oxleni orapes dido çinoberi rt̆eren gamantanaten. Fransuli do Farsuli nenapeten gamantana muşitenti dido çinoberi t̆eren mtel Turkiyes. Siyok̆oğlişi gomorgvaşen, mtel majura oput̆epeşi berepeti igurapt̆es çkini nʒ̆opulas.  Nʒ̆opulas kuğut̆u jur dersxana, ar mamgurapaleşoda do t̆eknik̆uri dulyapeşoda; do arti bodrumi kuğut̆u. Dido mskva kvaşi bina rt̆u, eşoti ren. Andğaneri ndğas, tarixuri binapeşi st̆at̆ut̆is ren do rest̆oraʒia dvaç̆irs do mutu var. Xut mamgure vort̆it ar k̆lasis, sinifis. İrişen xolosoni manebra çkimi rt̆u Ali. Lazi Ali coxont̆u do çkin vixmart̆it ar stoli k̆lasis, eşo xolosoni vort̆it.

İptineri nʒ̆opula şk̆ule, ocaği çkimis va unt̆u mara, ma entepe mevaşkvi oput̆es do noğa İst̆anbolişa mepti, oncironi nʒ̆opulaşa. Ar-jur xeirp̆erveri oxorcaşi omxvacuten Levent̆i coxoni oşke nʒ̆opulas doviguri, çkar para uxarcuten. Allahik entepeşen p̆anda razi iqvas! Allahik K̆azim T̆aymazi Xoca çkimişenti razi iqvas, emuk memişvelu noğa İst̆anbolişa moxtimişa; emuk vesile maqu. Allahik emu tenapeş doloxe şixanas! Allahik şuri uçxonas!

Uk̆ule, uk̆açxeni coxo muşiten Amerik̆anuli Oxžabuneşi Meddapeşi nʒ̆opula, Amiral Brist̆olişi H. K̆olecişa amapti didi k̆ap̆et̆i ʒadaten. Edo medda gamapti ekolen ma. Uk̆ule oçalişus kogevoç̆k̆i artneri oxžabunes. Ma hemşire, medda vort̆i ek (32) eçi do vit ʒ̆anas. Aya dulyaşi k̆arta speros viçalişi ma. Uk̆uleti t̆ek̆audi, p̆enʒioneri gamapti.Mtini giʒ̆vat, dido qoropaten vişalişi ma  aya (32) eçi do vit ʒ̆anas. Meddalobaşen ʒ̆oxleni-lisansi do lisansişi dip̆loma maqu. Dulyaş lisansi do otelciluğişi, sumarmaoxorolobaşi sperosti dovigur ma.  (24) eçi do otxo ʒ̆anaşen doni p̆enʒioneri vore mara, ç̆it̆a-ç̆it̆ati viçalişep xoloti. Ar k̆ulani komiqonun do iguraps universit̆et̆is.

Ali İhsan Aksamazi: Oput̆e tkvanis namu diʒxirepeşen ocağepe skidunan? Xvala Çerkesepe skidunani oput̆e tkvanis? Çkva diʒxirepeşen miti skiduni oput̆e tkvanis?

Ayşe P̆işk̆ini: ʒ̆oxle xvala Çerkesepe skidurt̆es oput̆e çkinis.  Çkvadoçkva diʒxirimşinepeşen Çerkesepe skidurt̆es. Mara ar nenaşi ar dialekt̆i ğarğalept̆es.  İris arneri dialekt̆i, artneri xoronepe do artneri ar adetepe komiğut̆es. (45) oxoriloni rt̆u oput̆e çkini ginže ʒ̆anapes. (1960) Vit̆on çxoro oşi do sume neçi ʒ̆ana şk̆ule, Turkiyeşi Yulya Uçamzoğaşi t̆erit̆oriaşen moxtimeri Lazepek dibargerenan E 5 Gzaş k̆eleni dixapes.  Golaxtimeri oraten, oput̆esti dobargerenan oput̆eşi şkaguronisti. Ar Lazi ocağik dibargeret̆u oxori çkiniş moleni k̆eleni dixas. Mati aşoten viçini Lazepe, beroba çkimişen. Çerkesepeşi didi uçvaşi orapes, ğureli k̆oçepe çkini zoğas doxveret̆es çkinepurepek, k̆aravepeşen zoğas dolot̆k̆oçerenan ğureli çkineburepe çkineburepek varna duşmanik. Çxomepekti çkineburepeşi xorʒepe ç̆k̆omeren. Amk̆ata gemzuli ambarepeten virdit çkin.   Emuşeniti çkin va vimxort̆it çxomi. Mara am Lazi manžagerepe çkinişi landeten, çkinti geç̆vineri do nostoneri aya çxomepe oç̆k̆omus gevoç̆k̆it. Ma, entepeşi landeten,  geç̆vineri kapças pqoropi Luqu, Kapçioni brinci, kapçioni mç̆ikidi, muxlamaşen ambari va miğut̆u do aya oç̆k̆omale do entepeşi nostoni am Lazi manžarepe çkinişen kodoviguri ma.  Çkvadoçkva k̆ult̆urepe komiğut̆es mara, artikartis p̆qoropit.  Ar Osman cumadi kort̆u. Emuk çili muşis unaxondinoni nenape uʒ̆umert̆u do udodginu niza ikipt̆es. Çkinti innadi p̆it do Xatice Ablas mevuşvelit do ğuraşakis çkini k̆ala qoropaten skidu emuk.  Lazepeşi moxtimuten, oput̆e çkinişi etnik̆uri k̆omp̆oziʒia iktiru. Lazepeşi maxoroba manžinu. Oput̆eşi muxtariti Lazepeşen goşiʒxunu. Lazepe do Çerkeseps eşo xolosoni va renan mara, jur lamtinalati ren ahengoni, harmoniuli artimajuraşa; cumalobaşi doloxe skidunan. Baba çkimi doğuruşi, Lazi Xanumepe oxori çkinişa komoxtes do mgara dodges. “Cunadi çkini domiğures”-ya do mgara dodges. Oxorişi xalk̆işen rt̆es mara, opşa k̆ont̆ak̆i va miğut̆es entepe k̆ala. Amk̆ata qoroponi milleti ren Lazepe.

Ali İhsan Aksamazi: Ma miçkin, tkvan ti-moşletineri k̆andidat̆i rt̆it, ÇDP̆-şen. Aya rt̆u 7 Mbuloba 2015 ʒ̆anaşi goşoʒxunas . Onç̆eloni gonoşinepe giğunani goşoʒxunaşi k̆amp̆ania tkvanişen? Otkvalu ginonan na, ar-jur gonoşine tkvanişen ambarepe komomçit do çkinti vognat! İqveni?

Ayşe P̆işk̆ini: Mebusobaşi namzetoba; dep̆ut̆atoşi k̆andit̆oba rt̆u dido mskva ʒada ti- çkimi şeni. Aya rt̆u surp̆rizi çkimi şeni. Amk̆ata p̆lanepe va miğut̆u ʒ̆oxleşen; aya giʒ̆vat ipti. Çkimi noğaşi, noğa Düzceşi milletik, didopeten, oşişen (70) sume neçi do vit̆iten iktidarişi, palanç̆ilaşi p̆art̆is mxuci meçaps. Mara mati ar dumç̆k̆u steri viçalişi. Renoba çkimişi oʒ̆iramus vort̆i. Aya noçalişepe maqu ç̆ami birgulis. “Ayşepe Meclişa oxtimoni renan” yado afişepe  voxazirapu. Mara aya afişi şk̆ule, gendğani, iktidarişi, palanç̆inalaşi p̆art̆i, Ayşe coxoni ar k̆andidat̆i k̆ala komoxtu do  goşoʒxunaşi k̆amp̆anias kogeoç̆k̆u. Ma “Noğa Duzceşi Ayşe” ya do ognapes çkineburepek. Aʒ̆i Ayşe va rt̆u ar k̆ak̆ali, mara jur k̆ak̆ali

Goşoʒxunaşi k̆amp̆ania çkimişi oras, Ar limcişi, coxope çkinişi oxoktinupeten, jur Ayşe ar ok̆oxtalas vort̆it, hemi ar xoris do ar saatis. Ok̆oviçinit.  Em Ayşeşi landeten, mati ar dido ok̆oxtala maxvenu!  Luksi mankanepe, badigardepeten, arşivacis nananoğa Ank̆araşi Ayşe viqveret̆i! Eşo domaʒ̆onu do mutu var! Bilbordapes, afişes do ç̆iç̆it̆ati t̆elevizyonepes t̆ani oʒ̆iramu rt̆u mskva çkimi şeni.  P̆olit̆ik̆a maxveneni? Aşo mk̆itxatşi, mu giʒ̆vaten, giçkinan?! “Var, p̆ot̆e”-ma, eşo giʒ̆vaten. Goşoʒxunas gecgineri viqvaşi, P̆olit̆ik̆a oxvenişa var, xalk̆i çkimişi xelak̆aoba şeni oçalişuşa toli maqvasunon. P̆anda aşo visimadi ma do mutu var.

Ali İhsan Aksamazi: Ayşe Xanum, tkvanti “P̆luralist̆uri Demok̆rasi P̆art̆işi  ç̆k̆onepeşen art-arti ret. ÇDP̆-şi andğaneri noçalişepeşi jin mutu otkvalu ginonani?

Ayşe P̆işk̆ini: ÇDP̆-k magedginepe muşişi menceliten, şurdoguriten içalişeps do renoba muşi oskedinu şeni k̆abğa meçaps.  Xalk̆i çkinik, Çerkesepek xvala seyri ikipan aʒ̆i do mutu var. Xalk̆i, çkini eşo ren;asteri gagnapa kuğun; ipti mutu va ikips mara, uk̆uleti mxuci meçaps amk̆ata ağani noçalişepes. Mara aya p̆roʒesi dido ginže iqu; eşo visimadep ma. Eşo ptkvat na, aşo ptkvat na, xalk̆i çkinis amk̆ata p̆olit̆ikuri p̆art̆i dvaç̆irtu do dvaç̆irs.

Çkin oçalişus mevuqupt; mevuqonaminonan. İnşala, ar ndğa momixtasunonan do gecgineri viqvaminonan aya gzas do xalki çkinik mxuci momçasunonan!

Ali İhsan Aksamazi: Ayşe Xanum, tkvanti k̆aixeşa giçkinan, nananena ren beciti. Nananenaşi, Çerkesuli Nenaşi oskidu ren dido beciti. Çerkesuli nena ren irişen mcveşi nenapeşen arteri kianas. Mara miçkinan ki, Çerkesuli Nena dğaşen dğaşa ğurun Turkiyes. Ma eşo miçkin ki, andğaneri ndğas Radio do T̆V-s, nananenaten, Çerkesuli nenaten  ç̆andina ren irişen beciti. Mara TRT̆-k va ç̆andinaps. Muepe p̆at do TRT̆-k Çerkesuli nenatenti, majura nananenapetenti ç̆andinas?!

Ayşe P̆işk̆ini: Ma imendi komiğun aya duylaşa aya speros. Ma nananena çkimi gomoç̆k̆ondu; eşo miçkirt̆u. Dido ʒ̆anapes va mağarğaleret̆u mara, xolo kogomaşinu. Edo kogevoç̆k̆i oğarğalus. Nananena çkini umanceli doskidu ginže ʒ̆anas. Mara aʒ̆ineri akoni universit̆et̆epe, nʒ̆opulape, nananenaşi k̆ursepeşi landeten, k̆ai dulyape vikipt nananenaşi speros. Eşo visimadep ma. T̆eknolojişi landetenti, gecgineri gamaptaten aya speros, İnşala. Ma imendi komiğun. Ho,TRT  ren unonç̆ela; eşo ižiren do mutu var.  Lobi oxvenuşi voret aya speros. Mitişen ar mutu ok̆vanduşa gegaperi va ren Çerkesuli lamtinala; çkin aşo voret. TRT̆-şi Çerkesuli ç̆andinaşi dulyas gecgineri viqvaşakis, şurdoguriten viçalişaten.

Ali İhsan Aksamazi: Ayşe Xanum; ma şukuri giʒ̆umert aya int̆erviu şeni. Tkvan mç̆ipaşa k̆itxalepes nena gemiktirit. Aʒ̆i voçodinat aya int̆erviu! Mara tkvan otkvaluşi mutu giğunan na, eti miʒ̆vit. Allahik bere-bari k̆ala tkvan goxelan iroras.

Ayşe P̆işk̆ini: Ma dido şukuri giʒ̆umert, tkvan oğarğaluşi fursat̆i momçit  do emuşeni. Nʒaşa yextit, Ali ıhsan Begi. Nanena, k̆ult̆uri, minoba na kuğun k̆arta k̆oçi, şurdoguriten oçalişuşi ren, aya çkineburi pasapeşi oskedinu şeni.  Aya speros şurdoguriten na içalişeps k̆arta k̆oçik gecgineşi gamaxtas aya ok̆ok̆idinus. Edo iris tebriği voğodap. Allahik qoropelepe tkvani k̆ala t̆anişk̆ap̆et̆oba, ginže skidala do menceli megiç̆aran.

+

“ტექნოლოჟიში ლანდეთენთი ჩქვა გეჯგინერი ვიყვათენ!”

(გოწოთქვალა: ანდღათი არ სუმარი ქომიყონუნ. ანდღანერი სუმარი ჩქიმი რენ აჲშე პიშკინი. მა ემუ ვიჩინოფ 2012 წანაშენ დონი. (ჩ.ჰ.ი.)  ჩერქესული ხაკკეფეში ინისიჲატიфიქ წოფხუ არ ოკოხთალა დერბენტის ნოღა კოჯაელის. აჲა ოკოხთალა რტუ ჟურ დღას, 25-26 კუნდურას, 2012 წანას. მათი აქ ვორტი.  ედო მა აჲშე ხანუმი ექოლენ ვიჩინოფ. ეშო ქომშუნს.   უკულე ხოლო ნანანოღა ანკარას  ქომომხვადუ, 14 მარიაშინა 2014 წანას. აჲშე ხანუმითი, მათი (ჩდპ-ში) “პლურალისტური დემოკრასიში პარტიში  34 მაგედგინალეფეშენ ჟური ვორტით. უკულე აჲშე ხანუმი რტუ თი-მოშლეთინერი კანდიდატი ნოღა დუზჯეს, ჩდპშენ, 7 მბულობა 2015 წანას. მათი თი-მოშლეთინერი კანდიდატი ვორტი ისტანბოლიში მაჟურანი ნოწილეშენ.  აჲშე ხანუმი რენ ჩერქესი გამანთანერეფეში ართ-ართი დო მინობა მუში, ნენა მუში ოსქედინუ შენი გურდოშურითენ იჩალიშეფს ჩქვადოჩქვა დერნეღეფეში დოლოხე. მა აჲშე ხანუმი კალა არ ინტერვიუ დოპი. ედო აჲა რენ ინტერვიუში ტექსტი. (ალი იჰსან აქსამაზი)

+

ალი იჰსან აქსამაზი: აჲშე ხანუმ, მა მიჩქინ, თქვან ჩერქესჲაში მუჰაჯირეფეშენ რეთ. მთინი ფთქვათ; ჩერქესჲაშენ უჩვუთენ გეტკოჩინერი ჩერქესი ოჯაღაფეში ბერეფეშენ ართერი რეთ. ნაკოთხანი დიცხირიშენ რეთ დობაგერი თურქიჲეშა? ჩერქესჲეს ოფუტე გიღუნანი? გიღუნან ნა, ოფუტე თქვანის მუ ჯოხონს? თქვან სო ჲეჩქინდით, სო დიბადით? აწინერი ოფუტე თქვანის მუ ჯოხონს? მჯვეში ჩერქესული გვარი გიღუნანი? გიღუნან ნა, მუ იყვენ, მიწვით?

აჲშე პიშკინი: დიდო შუქური გიწუმერთ ალი იჰსან ბეგი. მათი თქვან ნა გიჩინით შენი დიდო კაი მაწონუ.  მა თქვან იფთი ჰემი დობადონარი ჩქიმი, უკულე ჰემითი გზამშინე ჩქიმი გშინაფთ; ხოლოსონი მეგაბრე ჩქიმი გშინაფთ. აჲა რენ ზმონამშინობა; მა მინონ ეშო ფშინა ჩქინი გზამშინობა ჩქინი. კულტურეფე ჩქინი ჩქვანერი რენ მარა, ჟურითი გზალეფე ბგორუფთ კულტურეფე ჩქინიში ოსქედინუ შენი, ამკათა კოჩეფეშენ ვორეთ ჟურითი.  თქვანთი თქვით ეშო, მა კაфკასჲაშენ უჩვუთენ გეტკოჩინერი პაპუშპაფუფე ჩქიმიში მოთა ვორე. მა ენთეფეში მოთა ვორე (3.) მასუმანი დიცხირიშენ.

მთინი გიწვათ, მა ვა მიჩქინ პაპუშპაპუფე ჩქიმი სოლენ გეტკოჩინერი რენან, მა ეჲა კაიხეშა ვა მიჩქინ. მა პაპუ ჩქიმი ვა მაძირუ. ეშო ვისიმადეფ დო გოშოგორაფე ჩქიმიშენთი მათქვენ ქი, უჩამზოღაში სოჭი  ჯოხონი ნოწილეშენ გეტკოჩინერი რენან. ეშო მიჩქინ დო ეშო მათქვენ თქვანდა აწი.

პაპუშპაპუფექ დიდო ჭვინაფე ქოძირეს ემინდროს.  მარა მჯვეშეფე ჩქინიქ ემკათა ჭვინაფეშენ ჩქარ ამბარი ვა მომჩეს. ბერეფე მუთეფეშათი ემკათა ამბარეფე ოხოწონაფერენან. ემინდროს პაპუ ჩქიმი ტერენ (7- 8) შქვით-ოვრო წანერი. ედო ოჯაღი მუშიშენ ემუს დუსქიდერენ ხვალა არ ჯუმა. ედო მუში კალა ნოღა სამსუნიში ზოღაპიჯიშა კუჩხე გედგერეტეს. ემინდრონერი ფალანჭინალაში სქიდალდიხაში პლანითენთი,  ჯუმალეფეშენ ართერი, პაპუ ჩქიმი, მოხთერენ ნოშა დუზჯეშა დო ჯუმა მუში დოსქიდერენ ნოღა სამსუნის. უკულეთი ვა აძირერენ ჟურ ჯუმას ართიქართი. ეშო მიჩქინ.

პაფუ ჩქიმი ხაфიზი იყვერენ. უკულეთი ხაфიზლუღი ყვერენ ჩქვადოჩქვა ოფუტეფეს.  ბაბა ჩქიმიში ნანა კალა იჩილერენ. უკულეთი  ოფუტეშა დიბარგერენან, სო ნა მათი ჲეფჩქინდი.

ოპუთე ჩქინის ჯოხონს სიჲოკოღლი. აჲა ოფუტე რენ მუჰაჯირი ჩერქესეფეში იფთინერი ნოსქიდალეფეში ართ-ართი თურქიჲეს. (45) ჟურე ნეჩი დო ხუთ ოხოროში მახორობა ქუღუნ ანდღანერი ნდღას.  მა ჲეფჩქინდი, მა დოვიბადი აჲა ოფუტეს. ირიქ ჩერქესული ნენა ღარღალაფტუ ემინდროს. აშოთენთი მა იფთი ჩერქესული ნენა ქოდოვიგური დო ბღარღალი, უკულეთი თურქული ნენა ქოდოვიგური, ბღარღალი. პაპუ ჩქიმიში დიცხირიმშინეფეს ჯოხონან ჰამთოხ. ჩქინი გვარი იყვერენ პიშკინი 1934 წანაში გვარიშ კანონითენ. მზახალი დო დიცხირიმშინეფე ჩქიმი, დიდოფეთენ ართნერი გვარითენ იშინენ ანდღანერი ნდღას. ჰო, მა ხოლოთი ჰამთოხეფეში კულანი ვორე. ჩქინებური ადეთითენ, კულანეფე რენან პანდა ბაბა მუთეფეშიში დიცხირიმშინეფეში კულანი.

ალი იჰსან აქსამაზი: იფთინერი, ოშქე დო მაჟურა ნწოფულაფე სო იგურით? ნწოფულაფე შკულე მუ დულჲაფე ყვით? აწი ტეკაუდი რეთ. ეშო მიჩქინ. აწი მუ დულჲაფეთენ იბოდერთ? ბერეფე გიყონუნანი?

აჲშე პიშკინი: მა დოვიგური იფთინერი ნწოფულა ოფუტეს, სო ნა ჲეფჩქინდი ოფუტე სიჲოკოღლის. ნწოფულა ჩქინი რენ მეკირელი შქაგურიშა. ედო წოხლენი ორაფეს დიდო ჩინობერი რტერენ გამანთანათენ. Фრანსული დო Фარსული ნენაფეთენ გამანთანა მუშითენთი დიდო ჩინობერი ტერენ მთელ თურქიჲეს. სიჲოკოღლიში გომორგვაშენ, მთელ მაჟურა ოფუტეფეში ბერეფეთი იგურაფტეს ჩქინი ნწოფულას.  ნწოფულას ქუღუტუ ჟურ დერსხანა, არ მამგურაფალეშოდა დო ტექნიკური დულჲაფეშოდა; დო ართი ბოდრუმი ქუღუტუ. დიდო მსქვა ქვაში ბინა რტუ, ეშოთი რენ. ანდღანერი ნდღას, თარიხური ბინაფეში სტატუტის რენ დო რესტორაცია დვაჭირს დო მუთუ ვარ. ხუთ მამგურე ვორტით არ კლასის, სინიфის. ირიშენ ხოლოსონი მანებრა ჩქიმი რტუ ალი. ლაზი ალი ჯოხონტუ დო ჩქინ ვიხმარტით არ სთოლი კლასის, ეშო ხოლოსონი ვორტით.

იფთინერი ნწოფულა შკულე, ოჯაღი ჩქიმის ვა უნტუ მარა, მა ენთეფე მევაშქვი ოფუტეს დო ნოღა ისტანბოლიშა მეფთი, ონჯირონი ნწოფულაშა. არ-ჟურ ხეირპერვერი ოხორჯაში ომხვაჯუთენ ლევენტი ჯოხონი ოშქე ნწოფულას დოვიგური, ჩქარ ფარა უხარჯუთენ. ალლაჰიქ ენთეფეშენ პანდა რაზი იყვას! ალლაჰიქ კაზიმ ტაჲმაზი ხოჯა ჩქიმიშენთი რაზი იყვას, ემუქ მემიშველუ ნოღა ისტანბოლიშა მოხთიმიშა; ემუქ ვესილე მაყუ. ალლაჰიქ ემუ თენაფეშ დოლოხე შიხანას! ალლაჰიქ შური უჩხონას!

უკულე, უკაჩხენი ჯოხო მუშითენ ამერიკანული ოხძაბუნეში მედდაფეში ნწოფულა, ამირალ ბრისტოლიში ჰ. კოლეჯიშა ამაფთი დიდი კაპეტი ცადათენ. ედო მედდა გამაფთი ექოლენ მა. უკულე ოჩალიშუს ქოგევოჭკი ართნერი ოხძაბუნეს. მა ჰემშირე, მედდა ვორტი ექ (32) ეჩი დო ვით წანას. აჲა დულჲაში კართა სფეროს ვიჩალიში მა. უკულეთი ტეკაუდი, პენციონერი გამაფთი.მთინი გიწვათ, დიდო ყოროფათენ ვიშალიში მა  აჲა (32) ეჩი დო ვით წანას. მედდალობაშენ წოხლენი-ლისანსი დო ლისანსიში დიპლომა მაყუ. დულჲაშ ლისანსი დო ოთელჯილუღიში, სუმარმაოხოროლობაში სფეროსთი დოვიგურ მა.  (24) ეჩი დო ოთხო წანაშენ დონი პენციონერი ვორე მარა, ჭიტა-ჭიტათი ვიჩალიშეფ ხოლოთი. არ კულანი ქომიყონუნ დო იგურაფს უნივერსიტეტის.

ალი იჰსან აქსამაზი: ოფუტე თქვანის ნამუ დიცხირეფეშენ ოჯაღეფე სქიდუნან? ხვალა ჩერქესეფე სქიდუნანი ოფუტე თქვანის? ჩქვა დიცხირეფეშენ მითი სქიდუნი ოფუტე თქვანის?

აჲშე პიშკინი: წოხლე ხვალა ჩერქესეფე სქიდურტეს ოფუტე ჩქინის.  ჩქვადოჩქვა დიცხირიმშინეფეშენ ჩერქესეფე სქიდურტეს. მარა არ ნენაში არ დიალექტი ღარღალეფტეს.  ირის არნერი დიალექტი, ართნერი ხორონეფე დო ართნერი არ ადეთეფე ქომიღუტეს. (45) ოხორილონი რტუ ოფუტე ჩქინი გინძე წანაფეს. (1960) ვიტონ ჩხორო ოში დო სუმე ნეჩი წანა შკულე, თურქიჲეში ჲულჲა უჩამზოღაში ტერიტორიაშენ მოხთიმერი ლაზეფექ დიბარგერენან ე 5 გზაშ კელენი დიხაფეს.  გოლახთიმერი ორათენ, ოფუტესთი დობარგერენან ოფუტეში შქაგურონისთი. არ ლაზი ოჯაღიქ დიბარგერეტუ ოხორი ჩქინიშ მოლენი კელენი დიხას. მათი აშოთენ ვიჩინი ლაზეფე, ბერობა ჩქიმიშენ. ჩერქესეფეში დიდი უჩვაში ორაფეს, ღურელი კოჩეფე ჩქინი ზოღას დოხვერეტეს ჩქინეფურეფექ, კარავეფეშენ ზოღას დოლოტკოჩერენან ღურელი ჩქინებურეფე ჩქინებურეფექ ვარნა დუშმანიქ. ჩხომეფექთი ჩქინებურეფეში ხორცეფე ჭკომერენ. ამკათა გემზული ამბარეფეთენ ვირდით ჩქინ.   ემუშენითი ჩქინ ვა ვიმხორტით ჩხომი. მარა ამ ლაზი მანძაგერეფე ჩქინიში ლანდეთენ, ჩქინთი გეჭვინერი დო ნოსთონერი აჲა ჩხომეფე ოჭკომუს გევოჭკით. მა, ენთეფეში ლანდეთენ,  გეჭვინერი ქაფჩას ფყოროფი ლუყუ, ქაფჩიონი ბრინჯი, ქაფჩიონი მჭიქიდი, მუხლამაშენ ამბარი ვა მიღუტუ დო აჲა ოჭკომალე დო ენთეფეში ნოსთონი ამ ლაზი მანძარეფე ჩქინიშენ ქოდოვიგური მა.  ჩქვადოჩქვა კულტურეფე ქომიღუტეს მარა, ართიქართის პყოროფით.  არ ოსმან ჯუმადი ქორტუ. ემუქ ჩილი მუშის უნახონდინონი ნენაფე უწუმერტუ დო უდოდგინუ ნიზა იქიფტეს. ჩქინთი ინნადი პით დო ხათიჯე აბლას მევუშველით დო ღურაშაქის ჩქინი კალა ყოროფათენ სქიდუ ემუქ.  ლაზეფეში მოხთიმუთენ, ოფუტე ჩქინიში ეთნიკური კომპოზიცია იქთირუ. ლაზეფეში მახორობა მანძინუ. ოფუტეში მუხთარითი ლაზეფეშენ გოშიცხუნუ. ლაზეფე დო ჩერქესეფს ეშო ხოლოსონი ვა რენან მარა, ჟურ ლამთინალათი რენ აჰენგონი, ჰარმონიული ართიმაჟურაშა; ჯუმალობაში დოლოხე სქიდუნან. ბაბა ჩქიმი დოღურუში, ლაზი ხანუმეფე ოხორი ჩქინიშა ქომოხთეს დო მგარა დოდგეს. “ჯუნადი ჩქინი დომიღურეს”-ჲა დო მგარა დოდგეს. ოხორიში ხალკიშენ რტეს მარა, ოფშა კონტაკი ვა მიღუტეს ენთეფე კალა. ამკათა ყოროფონი მილლეთი რენ ლაზეფე.

ალი იჰსან აქსამაზი: მა მიჩქინ, თქვან თი-მოშლეთინერი კანდიდატი რტით, ჩდპ-შენ. აჲა რტუ 7 მბულობა 2015 წანაში გოშოცხუნას . ონჭელონი გონოშინეფე გიღუნანი გოშოცხუნაში კამპანია თქვანიშენ? ოთქვალუ გინონან ნა, არ-ჟურ გონოშინე თქვანიშენ ამბარეფე ქომომჩით დო ჩქინთი ვოგნათ! იყვენი?

აჲშე პიშკინი: მებუსობაში ნამზეთობა; დეპუტათოში კანდიტობა რტუ დიდო მსქვა ცადა თი- ჩქიმი შენი. აჲა რტუ სურპრიზი ჩქიმი შენი. ამკათა პლანეფე ვა მიღუტუ წოხლეშენ; აჲა გიწვათ იფთი. ჩქიმი ნოღაში, ნოღა დüზჯეში მილლეთიქ, დიდოფეთენ, ოშიშენ (70) სუმე ნეჩი დო ვიტითენ იქთიდარიში, ფალანჭილაში პარტის მხუჯი მეჩაფს. მარა მათი არ დუმჭკუ სთერი ვიჩალიში. რენობა ჩქიმიში ოწირამუს ვორტი. აჲა ნოჩალიშეფე მაყუ ჭამი ბირგულის. “აჲშეფე მეჯლიშა ოხთიმონი რენან” ჲადო აфიშეფე  ვოხაზირაფუ. მარა აჲა აфიში შკულე, გენდღანი, იქთიდარიში, ფალანჭინალაში პარტი, აჲშე ჯოხონი არ კანდიდატი კალა ქომოხთუ დო  გოშოცხუნაში კამპანიას ქოგეოჭკუ. მა “ნოღა დუზჯეში აჲშე” ჲა დო ოგნაფეს ჩქინებურეფექ. აწი აჲშე ვა რტუ არ კაკალი, მარა ჟურ კაკალი

გოშოცხუნაში კამპანია ჩქიმიში ორას, არ ლიმჯიში, ჯოხოფე ჩქინიში ოხოქთინუფეთენ, ჟურ აჲშე არ ოკოხთალას ვორტით, ჰემი არ ხორის დო არ საათის. ოკოვიჩინით.  ემ აჲშეში ლანდეთენ, მათი არ დიდო ოკოხთალა მახვენუ! ლუქსი მანქანეფე, ბადიგარდეფეთენ, არშივაჯის ნანანოღა ანკარაში აჲშე ვიყვერეტი! ეშო დომაწონუ დო მუთუ ვარ!

ბილბორდაფეს, აфიშეს დო ჭიჭიტათი ტელევიზჲონეფეს ტანი ოწირამუ რტუ მსქვა ჩქიმი შენი.  პოლიტიკა მახვენენი? აშო მკითხათში, მუ გიწვათენ, გიჩქინან?! “ვარ, პოტე”-მა, ეშო გიწვათენ. გოშოცხუნას გეჯგინერი ვიყვაში, პოლიტიკა ოხვენიშა ვარ, ხალკი ჩქიმიში ხელაკაობა შენი ოჩალიშუშა თოლი მაყვასუნონ. პანდა აშო ვისიმადი მა დო მუთუ ვარ.

ალი იჰსან აქსამაზი: აჲშე ხანუმ, თქვანთი “პლურალისტური დემოკრასი პარტიში  ჭკონეფეშენ ართ-ართი რეთ. ჩდპ-ში ანდღანერი ნოჩალიშეფეში ჟინ მუთუ ოთქვალუ გინონანი?

აჲშე პიშკინი: ჩდპ-ქ მაგედგინეფე მუშიში მენჯელითენ, შურდოგურითენ იჩალიშეფს დო რენობა მუში ოსქედინუ შენი კაბღა მეჩაფს.  ხალკი ჩქინიქ, ჩერქესეფექ ხვალა სეჲრი იქიფან აწი დო მუთუ ვარ. ხალკი, ჩქინი ეშო რენ;ასთერი გაგნაფა ქუღუნ; იფთი მუთუ ვა იქიფს მარა, უკულეთი მხუჯი მეჩაფს ამკათა აღანი ნოჩალიშეფეს. მარა აჲა პროცესი დიდო გინძე იყუ; ეშო ვისიმადეფ მა. ეშო ფთქვათ ნა, აშო ფთქვათ ნა, ხალკი ჩქინის ამკათა პოლიტიქური პარტი დვაჭირთუ დო დვაჭირს.  ჩქინ ოჩალიშუს მევუყუფთ; მევუყონამინონან. ინშალა, არ ნდღა მომიხთასუნონან დო გეჯგინერი ვიყვამინონან აჲა გზას დო ხალქი ჩქინიქ მხუჯი მომჩასუნონან!

ალი იჰსან აქსამაზი: აჲშე ხანუმ, თქვანთი კაიხეშა გიჩქინან, ნანანენა რენ ბეჯითი. ნანანენაში, ჩერქესული ნენაში ოსქიდუ რენ დიდო ბეჯითი. ჩერქესული ნენა რენ ირიშენ მჯვეში ნენაფეშენ ართერი ქიანას. მარა მიჩქინან ქი, ჩერქესული ნენა დღაშენ დღაშა ღურუნ თურქიჲეს. მა ეშო მიჩქინ ქი, ანდღანერი ნდღას რადიო დო ტვ-ს, ნანანენათენ, ჩერქესული ნენათენ  ჭანდინა რენ ირიშენ ბეჯითი. მარა თრტ-ქ ვა ჭანდინაფს. მუეფე პათ დო თრტ-ქ ჩერქესული ნენათენთი, მაჟურა ნანანენაფეთენთი ჭანდინას?!

აჲშე პიშკინი: მა იმენდი ქომიღუნ აჲა დუჲლაშა აჲა სფეროს. მა ნანანენა ჩქიმი გომოჭკონდუ; ეშო მიჩქირტუ. დიდო წანაფეს ვა მაღარღალერეტუ მარა, ხოლო ქოგომაშინუ. ედო ქოგევოჭკი ოღარღალუს. ნანანენა ჩქინი უმანჯელი დოსქიდუ გინძე წანას. მარა აწინერი აქონი უნივერსიტეტეფე, ნწოფულაფე, ნანანენაში კურსეფეში ლანდეთენ, კაი დულჲაფე ვიქიფთ ნანანენაში სფეროს. ეშო ვისიმადეფ მა. ტექნოლოჟიში ლანდეთენთი, გეჯგინერი გამაფთათენ აჲა სფეროს, ინშალა. მა იმენდი ქომიღუნ.

ჰო, თრთ  რენ უნონჭელა; ეშო იძირენ დო მუთუ ვარ.  ლობი ოხვენუში ვორეთ აჲა სფეროს. მითიშენ არ მუთუ ოკვანდუშა გეგაფერი ვა რენ ჩერქესული ლამთინალა; ჩქინ აშო ვორეთ. თრტ-ში ჩერქესული ჭანდინაში დულჲას გეჯგინერი ვიყვაშაქის, შურდოგურითენ ვიჩალიშათენ.

ალი იჰსან აქსამაზი: აჲშე ხანუმ; მა შუქური გიწუმერთ აჲა ინტერვიუ შენი. თქვან მჭიფაშა კითხალეფეს ნენა გემიქთირით. აწი ვოჩოდინათ აჲა ინტერვიუ! მარა თქვან ოთქვალუში მუთუ გიღუნან ნა, ეთი მიწვით. ალლაჰიქ ბერე-ბარი კალა თქვან გოხელან ირორას.

აჲშე პიშკინი: მა დიდო შუქური გიწუმერთ, თქვან ოღარღალუში фურსატი მომჩით  დო ემუშენი. ნცაშა ჲეხთით, ალი ıჰსან ბეგი. ნანენა, კულტური, მინობა ნა ქუღუნ კართა კოჩი, შურდოგურითენ ოჩალიშუში რენ, აჲა ჩქინებური ფასაფეში ოსქედინუ შენი. აჲა სფეროს შურდოგურითენ ნა იჩალიშეფს კართა კოჩიქ გეჯგინეში გამახთას აჲა ოკოკიდინუს. ედო ირის თებრიღი ვოღოდაფ. ალლაჰიქ ყოროფელეფე თქვანი კალა ტანიშკაპეტობა, გინძე სქიდალა დო მენჯელი მეგიჭარან.