“HERKES HAYATTA HER ZAMAN DİRENGEN OLSUN!”

Ali İhsan Aksamaz 

(Ön açıklama: Şimdiki misafirim Meryem Nazlı. Ben, onu 2009 yılından beri tanıyorum; öyle hatırlıyorum şimdi. O zaman öğretmen idim. İstanbulda, Gazi Mahallesi Özürlüler Merkezinde İngilizce Dersleri veriyordum. Meryem Nazlı, öğrencilerimden biri idi. Öğrencilerimin hepsi bedensel engelli idi. Farklı hastalıklardan sıkıntı çekiyorlardı.

Meryem Nazlı, kas hastası idi. Sıkıntılı bir hayatı var. Ancak kibirli ve azimli insanlardan biri.  O zaman okulda fazlaca okumuşluğu yoktu; ilkokuldan diploması vardı yalnızca. Ancak öğrenmeye ve okumaya her zaman istekli idi. İngilizce kursuma geldi. Kursta başarılı oldu ve sertifikasını aldı. Daha sonra canla, başla çalıştı;  ortaokulda okudu, lisede okudu, sınavlarda başarılı oldu. TRT,“Sakli Bahçe” adlı bir program çekiyordu o zaman, Sirkeci tren istasyonunda. Program, Meryem Nazlının başarı haberlerini de duyurdu insanlara. Ben de kısaca Nazlının başarılarından bahsetmiştim; şimdi hatırlıyorum. Meryem Nazlı, engelli öğrencilerimden biri idi. Ancak şimdilerde yayımlanmış bir kitabı da var. Günümüzde; Meryem Nazlı, Türkiyenin yazarlarından biri. Ben, Meryem Nazlı ile bir söyleşi yaptım. Bu metin, o konuşmamıza ait.  Ali İhsan Aksamaz)

+

Ali İhsan Aksamaz: Meryem Hanım; Önce biyografinizden konuşalım. Şimdi İstanbulda yaşıyorsunuz; bunu biliyorum. Nerelisiniz? Nerede doğdunuz? Hangi ilkokulda okudunuz?

Meryem Nazlı: İstanbul- Sultangazi ilçesinde yaşıyorum. Sivas- Gündüz köyünde doğdum. Gündüz Köyü ilkokuldan mezun oldum

Ali İhsan Aksamaz: Meryem Hanım, ne zaman hastalandınız? Aileniz, hastalığınızı öğrenince neler yaptı? Doktorlar, hastalığınıza ilişkin size neler söyledi? Yürüme yeteneğinizi ne zaman kaybettiniz?

Meryem Nazlı:  12 yaşımda hastalığı hissetmeye başladım. 1982’de beni Sivas Üniversite Hastanesine götürdüler. Ailem, ilk öğrendiğinde fazla şaşırmadı. Çünkü benden önce ağabeyim de aynı hastalığa yakalanmıştı: Kas hastalığı. Ancak  biz kas hastası olduğumuzu bilmiyorduk. Doktorlar, bize akraba evliliğinden kaynaklandığını söyledi. Yürüme yeteneğimi 16- 17 yaşımda kaybettim; baston ile yürüyebiliyordum.

Ali İhsan Aksamaz: Meryem Hanım, İstanbula ilk ne zaman geldiniz? Ne kadar süredir buradasınız? İstanbulda hekime gittiniz mi? Hekimler size neler söyledi?

Meryem Nazlı: İstanbul’a ilk 1984 yılında geldim; tedavi için. Kısa dönem kaldıktan sonra tekrar köye döndüm. Fakat bu sürede yine doktora gidemedim.

Ali İhsan Aksamaz: Meryem Hanım, doktorlar ne teşhis koydular? Sonra neler yaptınız?

Meryem Nazlı: 1985’te, Ankara’da oturan ağabeyim gelip beni Ankara’ya götürdü. Beni,  Ankara- Hacettepe Hastanesi’ne götürdü. Babam da geldi. Oradaki doktor, geniş kapsamlı tetkikler yaptı.  Bana Sivas Üniversitenin teşhisini sordu; söylemedim. Amacım her iki teşhisi kıyaslamak idi. Babam içeri girince sordum.  “Akraba evliliğinden olduğunu söylediler,” dedi. O da, “Akraba evliliğinden. Tedavisi yok,”  dedi. Babama  da, “Başka bir doktora götürüp uğraşma, amca, tedavisi yok. Paranı boşuna harcama,” dedi.  Daha sonra ailem beni bir daha hastaneye veya doktora götürmedi. Hastalığımın tedavisi yoktu. Ancak daha kötüye gitmemesi için sürekli fizik tedavisi gerekiyordu.  Doktor kontrolünde olmam gerekiyordu.

Ali İhsan Aksamaz: İstanbula tamamen ne zaman gelip yerleştiniz?

Meryem Nazlı: İstanbul’a 2000 yılında yerleştik

Ali İhsan Aksamaz: O zamanlar nasıl bir yaşantınız vardı?

Meryem Nazlı: İstanbul’a yerleşmeden önceki hayatım, köyde çok zordu. Köyde herkes İstanbul’a göç etmişti. Kardeşlerim de yoktu. Tek başıma kalmıştım, annemle babam ile. Köyde sosyal hayatım olmayacaktı. Yatalaktım, anne-babam cahildi.

Sonra İstanbul’a yerleştik.  2007 yılında geldik. Ancak  yaşantım çok kolay olmadı. Çünkü ekonomik sıkıntımız çok fazla idi. İki yatağımız vardı. Televizyonumuz da yoktu. Bir aile siyah beyaz televizyonunu bir süre bize verdi.  Bir başkası eski koltuklarını verdi.  Bir tek ablam çalışıyordu. Ben  bunalıma girdim; hayattan koptum. Çıkış yolu bulamıyordu, umudum  da yok yoktu. “Öleyim,”  diyordum.

Ali İhsan Aksamaz: Meryem Hanım, ne zaman akülü bir arabanız oldu? Bu araba ile nasıl yeni bir hayata sahip oldunuz?

Meryem Nazlı: 2008 yılında akülü arabaya sahip oldum. Omurilik Felçliler Derneği gönderdi arabayı. Akülü araba, hayatımı çok değiştirdi. Dışarıya çıkmaya başladım. Garip bir duyguydu, çünkü bir tek başına dışarı çıkmıştım. Özgürleşmeye başladım . Okumayı çok istiyordum.

Ali İhsan Aksamaz: Meryem Hanım, biraz da İngilizce kursumuzdan bahsedelim! Neler hatırlıyorsunuz?

Meryem Nazlı: Gazi Mahallesi Parkı içinde belediyenin Engelliler Merkezi vardı. Oradaki İngilizce Kursundan haberim oldu.  Akülü arabama binip kursa gittim ve kayıl yaptırdım. Bana büyük faydası oldu. Yarımınızla  kurstaki başarım beni olumlu yönde etkiledi.  İngilizce Kursunuzdaki başarımdan sonra, Açık Öğretimde okumaya karar verdim. Kursunuzdan sonra, bir gün  akülü arabama oturdum ve yakınımızdaki ortaokul kaydımı yaptırdım.  Sınavlarda başarılı oldum ve  ortaokulu diploması aldım. Kendimi güçlü hissettim. Açık lisede okumak için Şair Abay Lisesinde kaydımı yaptırdım. 2 buçuk yılda liseyi bitirdim. Özel ve aile problemleri oldu; saymakla bitmez.  Son bir gün kala KPSS sınavına kayıt oldum. Barajı aştım. 60 aldım. Bu da benim için büyük bir başarıydı.

Ali İhsan Aksamaz: Meryem Hanım, biliyorum, komşularınızdan bir bey, size hediye olarak bir bilgisayar vermişti; öyle hatırlıyorum. Bu konudan biraz bahsedin! O bilgisayar ve internet bağlantısının yaşantınızda size nasıl yardımcı oldu?

Meryem Nazlı: Noterden ablama  vekâlet vermem gerekiyordu. 3 aylık Engelli maaşı alıyordum. Bunu için ablama vekâlet vermem gerekiyordu. Noter Bey evimize geldi.  Noter Bey , vekâlet formalitelerini yaptı. Sonrada benimle biraz sohbet ettik; çay içtik.

Sonra Noter Bey bana hediye etti.  Bilgisayar ve internetin, hayatımda çok pozitifbir işlevi oldu. Çünkü o bilgisayar ve internet ile  çok güzel şeyler yaptım; olumlu yönde kullandım ve bana büyük faydası oldu. Teknoloji büyük bir destek.

İnternet üzerinden yayın da yaptım.  Türküler söyledim. Müzik, bana dostlar kazandırdı. İnternet üzerinden bütün bu yaptıklarımla güçlendim; yaşama sevincimi arttırdı.

Ali İhsan Aksamaz: Biliyorum; siz bağlama da çalıyorsunuz. Ne zaman ve nereden öğrendiniz?

Meryem Nazlı: Bağlamayı çalmayı 9 yaşımda köyde Öğrendim. Ancak bağlama kültürü bizim ailede hep vardı. Dedem çalıyormuş. Babam çalıyordu. Daha sonra babam Günnaz ablama da öğretti. Rahmetli Ablamın güzel sesi vardı.

Ali İhsan Aksamaz: Meryem Hanım, günümüzde yayınlanmış bir kitabınız var; yazarsınız. Yazmaya ne zaman başladınız? Hangi motivasyon ile yazmaya başladınız? Kitabınız ne zaman yayımlandı?

Meryem Nazlı: Evet, bir kitabın var artık. Yazma fikri 2015 yılında aklıma geldi. Örnek olmak adına yazmaya başladım. İmkânım olsa, roman ve tiyatro eseri de yazabilirim.

Ali İhsan Aksamaz: Meryem Hanım, bu kitabınız yayımlanınca, ne çeşit bir duyguya kapıldınız? Bu duygularınıza ilişkin neler söyleyebilirsiniz?

Meryem Nazlı: Çok ilginç bir duyguydu. Yine bir hedefim vardı. Bir amacım vardı. Kitaptan sonra artık bir sanat dalında yer almak istedim. Bu büyük bir onur ve mutluluk. Ben bağlama çalarak ve türküler söyleyerek hayata tutundum. Aklımda hep kalıcı bir şey yapmak isteği vardı. Kitapla başardım. İlgi gördüm 2. kitabı başladım. Bir de şiir kitabı çıkarmayı düşünüyorum

“Sakatlar Derneği Başkanını ziyaret ettim. Kitabımı hediye ettim; destek görmedim!”

Ali İhsan Aksamaz: Meryem, engelliler dernekleri kitabınıza ilgi gösterdi mi? Kitabınızın satışına yardımcı oluyorlar mı?

Meryem Nazlı: Sakatlar Derneği Başkanını ziyaret ettim. Kitabımı hediye ettim. Ancak herhangi bir destek görmedim. Diğer bir  dernekten de, kitabımın tanıtımı için talepte bulundum; oradan da destek görmedim. “Engelliler Günü” dolayısıyla bir diğer Bedensel Engelliler Sosyal Yardımlaşma Derneği imza günü yaptı.

Ali İhsan Aksamaz: Bazı televizyon ve gazeteler sizin haberinizi insanlara duyurdu; biliyorum. Hangi televizyon ve gazeteler kitabınızın haberini duyurdu?

Meryem Nazlı:  Televizyonlardan  CNN,     Cem TV,  Hilal TV,  ATV,   kitabımı duyurdu.    TV-34 de. Yerel gazete Yaşam gazete, Hürriyet Gazetesi Vatan Gazetesi haberimi duyurdu.

Basın, engellilerin sorunlarını duyuruyor. Politikacılar, engellilerin sorununu çözmüyor. Engelli dernekleri el ele verip sorunun çözümü için çalışmıyor. “3 Aralık Engelliler Günü”nde, engellilere yalnızca güzellemeler yapılıyor

Ali İhsan Aksamaz: Biliyorum, sizin çok sağlam bir iradeniz var. Allah, sizi her zaman korusun ve yardımcı olsun. Meryem Hanım;  bu söyleşi için size çok teşekkür ederim. Söyleyecek başka sözleriniz, mesajlarınız varsa, lütfen onları da söyleyin. Allah, sizi her zaman korusun, mutlu olun!

Meryem Nazlı:  Kas hastalığına ve  yaşadığım onca sıkıntıya rağmen ben de şaşkınım. Gerçekten nasıl direndiğimi düşünüyorum. Bu, Tanrının bir lütfu; öyle değerlendiriyorum. Bedenimi fazla önemsemiyorum. Önemli olan beyin alarak sağlıklı olmak. Yine Beden sağlığımı arıyorum. Ellerimi kullanmayı çok istiyorum. Yemeğimi kendim yemek istiyorum. Bazen ellerimi yüzüme sürmeyi özlüyorum. Saçıma dokunmak; saçımı taramak istiyorum.  Kıyafetimi kendim  giyinmek istiyorum. Bunları yapabilen çok insan var, fakat yine de mutlu değiller. Hayatta sağlıktan başka önemli bir şey yok. Allah, kimseyi sağlığından etmesin. Amerika ve İspanya’da benim rahatsızlığım ilgili önemli çalışmalar var;  biliyorum. Fakat büyük  bir ekonomik çöküntü içindeyim. Çaresiz  yaşıyorum. Herkese sağlıklı bir yaşam diliyorum. Dirençli olsunlar. Size de çok teşekkür ediyorum. İngilizce Kurs sürecinde büyük bir özveri gösterdiniz. Büyük bir şefkat ile bize yardımcı oldunuz. Benim dostum oldunuz. Bu sevginize çok teşekkür ediyorum. Bu söyleşi için size çok teşekkür ediyorum.

Politikacılar, engellileri yalnızca seçim zamanı hatırlıyor

 +

“İrik p̆anda noxondinoni iqvas skidalas!”

(Goʒ̆otkvala: Aʒ̆ineri musafiri/ sumari çkimi ren Meryem Nazli. Ma, emu 2009 ʒ̆anas viçini; eşo komşun aʒ̆i. Emindros mamgurapale vort̆i. Edo İnglisuri nenaşi dersepe mepçapt̆i Endolonepeşi Şkaguronis Gazi Maxalles, noğa İst̆anbolis. Meyrem Nazli rt̆u mamgurepe çkimişi art-arti. Mamgurepe çkimişi mteli endoloni rt̆u. Entepek çkvadoçkva žabunobaşen derdi zdipt̆es. Meryem Nazli ren adeleş žabuni. Meryem Nazlis kuğun opşa meç̆ireli skidala. Mara k̆ibironi do azimoni k̆oçepeşi art- arti ren. Nʒ̆opulas dido k̆itxeri va rt̆u; Geç̆k̆apuroni nʒ̆opulaşen dip̆loma kuğut̆u. Mara oguruşa, ok̆itxuşa p̆anda toli do xavesluği kuğut̆u. Çkimi İnglisuri k̆ursişa komextu. Dersepes p̆anda gecgineri rt̆u. İnglisuri k̆ursişen gecgineri gamaxt̆u do sert̆ifik̆a aqu emus. Uk̆ule emuk gurdoşuriten içalişu oşke nʒ̆opulas, lises ik̆itxu do nʒ̆opulapeşen imtianiten gecgineri gamaxtu. Emindros TRT̆-k ar rabisk̆uri filimi yeşiğeret̆u “Trageri Steğo” (“Sakli Bahçe”) coxoni p̆rogramişi serişen Sirkecişi İst̆asyonis. P̆rogramik Meryem Nazlişi gecgineri ambarepeti ognapu milletis. Manti ar-jur nenaten Meryem Nazlişi gecninobaşen molapşineret̆i; aʒ̆i gomaşinu.  Meryem Nazli, endoloni mamgurepe çkimişen arteri mara, aʒ̆i gamiçkvineri ar ketabiti kuğun. Andğaneri ndğas, Meryem Nazli ren Turkiyeşi maç̆aralepeşen arteri. Ma Meryam Nazli k̆ala ar int̆erviu dop̆i. Aya ren çkini noğarğaleşi t̆ekst̆i. Ali İhsan Aksamazi; 3 XII 2018)

+

Ali İhsan Aksamazi: Meryem Xanum; ipti tkvani biyografişen bğarğalat. Aʒ̆i noğa İst̆anbolis skidurt, aya komiçkin. Sonuri ret? So dibadit, yeçkindit? Namu geç̆k̆apuroni nʒ̆opulas igurit?

Meryem Nazli: Ma noğa İst̆anbolis- Sultangazis pxer, pskidur. Noğa Sivasişi oput̆e  Gunduzis yepçkindi, dovibadi.  Oput̆e Gunduzişi  Geç̆k̆apuroni nʒ̆opulas doviguri do gecgineri gamapti, dovimezuni.

Ali İhsan Aksamazi: Mundes ižabunit? Ocaği tkvanik tkvani žabunoba iguranşi, muepe qves? Hekimepek muepe giʒ̆ves žabunoba tkvanişen? Mundes gogindinu k̆uçxes menceli?

Meryem Nazli:  (12) vit̆o jur   ʒ̆aneri vort̆i, mežabuneri viqvi, emindros žabunoba çkimişi sebebişen ambari maqu.1982 ʒ̆ana rt̆u, ocaği çkimik ma Sivasişi Universit̆et̆işi Oxžabunaşa mendemiqonu.  Ocaği çkimik žabunoba çkimi ognuşi, ipti dido va gaak̆viru. ʒ̆oxleşen cumadi çkimisti artneri  žabonoba, xarmeloba aqveret̆u  do emuşeni: Adeleşi osap̆aruşi  xarmeloba.  Mara emindros çkin juristi  va miçkit̆es ki, çkin vort̆it  adeleşi osap̆aruşi  xarmeli. Hekimepek, “Nana do baba skani ren mzaxali; ar diʒxirişen renan. Nana do baba mzaxali iqvanşi, beres amk̆ata xarmeloba aqven berepes,”-ya tkves, “Aya xarmelobaşi  çareti va ren,”-ya. (16- 17) vit̆o anşi- vit̆o şkvit ʒ̆aneri vort̆i, k̆uçxeten oxtimuşi menceli gomindinu; bigaten magzalet̆u.

Ali İhsan Aksamazi: Mundes moxtit noğa İst̆anbolişa. Muk̆o ʒ̆aneri rt̆it emindros? Hekimişa iditi Noğa İst̆anbolis? Hekimik mupe giʒ̆ves?

Meryem Nazli: (1984) vit̆on çxoro oşi do otxo neçi do otxo ʒ̆ana rt̆u, ma noğa İst̆anbolişa ipti komopti, komoptit; oxžabuneşa, ok̆aru şeni rt̆u. Mk̆ule oras dopskidi, dopskidit noğa İst̆anbolis. Uk̆ule noğa Sivasişa, oput̆eşa govikti, goviktit. Hekimişa xolo va memalu ma.

Ali İhsan Aksamazi: Hekimepek mu teşhisi gixvenes? Uk̆ule  muepe qvit?

Meryem Nazli: Nananoğa Ankaras skideri  ar cumadi komiqonut̆u; ak momixtu do  ma mendemiqonu  nananoğa Ankaraşa, (1985) vit̆on çxoro oşi do otxo neçi xut ʒ̆anas  Ma mendemiqonu  Hacettepe Universit̆et̆işi Oxžabuneşa.  Baba çkimiti çkini k̆ala mextu.  Ekonuri hekimik  tişen k̆udelişa  tibburi  k̆ant̆rolepe- t̆est̆epe çkimi doqves,  ginže-ginže  goşogorape doqves.  Noğa Sivasişi Universit̆et̆işi teşxisi mk̆itxu hekimik; ma va vuʒ̆vi. Jur teşxisi artikartişa oxodgeri oxoʒ̆onu mint̆u ma do emuşeni. Baba çkimi hekimişi odaşa amaxtuşi, emus p̆k̆itxi. “Hekimik, ‘mzaxalepeşi oçilu-okimocuşen  yeçkinineri ren  aya xarmeloba, adeleşi osap̆aru,’-ya miʒ̆u,”-ya miʒ̆u baba çkimik.  “Mzaxalepeşi oçilu-okimocuşen yeçkindineri xarmeloba ren. Oşveluti va ren ,”- ya tkveren hekimik baba çkimis; “ Mʒudişi çare mo gorup, cumadi, xarmelobas çare va uğun. Para skaniti mʒudişi mo xarcup!”-ya  Uk̆uleti ocaği çkimik va mendemiqonu oxžabuneşa do hekimişa. Çkimi xarmelobaşi oşvelu  va rt̆u, va rt̆eren tibbis/ mediʒinas.  Mara Xarmelobaşi oxizanus nodgitu mumkuni rt̆u, rt̆eren. Mara emuşeniti fizik̆uri  oşvelu domaç̆irt̆u. Hekimişi k̆ant̆rolis oqopimuşi vort̆i. Mara ma eşo dopskidi do mutu var.

Ali İhsan Aksamazi: Mtelo, noğa İst̆anbolişa mundes moxtit do dibargit?

Meryem Nazli:  (2000) eçi oşi ʒ̆ana rt̆u, çkin noğa İst̆anbolis dovibargit.

Ali İhsan Aksamazi: Emindros muperi skidala giğut̆es oxoris?

Meryem Nazli: Noğa İst̆anbolis dovibargitşen ʒ̆oxleni skidala çkimi rt̆u  dido meç̆ireli, oput̆es; gencireri vort̆i.  Oput̆arepe çkini mteli dibargeret̆es noğa İst̆anbolis. Cumalepe-dalepe çkimiti  çkimi k̆ala va rt̆es oput̆es.  Xvala dopskideret̆i oput̆es, nana-baba k̆ala vort̆i. Nana-baba çkimi rt̆u cahili, uk̆itxeri. Sosyaluri/ lamtinaluri skidala va miğut̆u oput̆es; gencireri vort̆i.

Uk̆ule noğa İst̆anbolis dovibargit ; (2007) eçi oşi do şkvit   ʒ̆ana rt̆u. Mara  skidala meç̆ireli maqu noğa İst̆anbolis. Skidala perpu va maqu noğa İst̆anbolis; gencireri vort̆i.  Paraşi p̆roblemepeti miğut̆es ocağişi doloxe. T̆elevizyoniti va miğut̆es oxoris. Manžagerepeşen ar ocağik mcveşi uça-xçeşi t̆elevizyoni komomçes mk̆ule oras. Manžagerepeşen çkvalepekti  mcveşi k̆oltuğepe mutepeşi komomçes. Xvala dadi çkimik içalişept̆u. Psik̆olojiuri k̆rizi, ok̆oxvoba  maqu; pskidut̆i mara, mitam ma skidalas va vort̆i. Çare va miğut̆u, uçareli vort̆i;  mitişa , mutuşa imendi va vikipt̆i skidalas; gencireri vort̆i. Ğuraşen met̆a çare va miğut̆u. Emindros eşo mevisimadept̆i. Ğuraşen met̆a çare va miğut̆u; eşo mevisimadept̆i do mutu var.

Ali İhsan Aksamazi: Mundes ak̆yuloni araba gaqves? Aya arabaten muperi ağani skidala gaqves?

Meryem Nazli: (2008) eçi oşi do ovro ʒ̆ana rt̆u, ma ak̆uloni araba maqu. K̆usk̆ulişen nuzulonepeşi Derneğik ak̆uloni araba momincğonu. Ak̆uloni arabaten, dido feide maqu skidalas. Xepe tamo-tamo oxmaruşi menceli miğut̆u  do amutenti ak̆uloni arabaşi k̆omanda vikipt̆i.  Xvala-xvala gale gamavulut̆i;  gale gamaxtimus kogevoç̆k̆i tamo-tamo, moro! Dido onç̆eloni zmona rt̆u,  Xvala-xvala gale gamapteret̆i.  Açkva ocağişen, majurapeşen, oncireşen, oxorişen dudmoşletineri  vort̆i. Ok̆itxuti mint̆u, ok̆itxuşa toli komiğut̆u.

Ali İhsan Aksamazi: Armʒikati İnglisuri k̆ursişen molapşinat? Eya k̆ursik megişvelesi skidalas?

Meryem Nazli:  Gazi Maxalleşi p̆ark̆işi doloxe  rt̆u Endolenepeşi  Şkaguroni, belediyeşi. Ar ndğas, Endolenepeşi  Şkaguronişi İngilisuri K̆ursişen ambari maqu. Arşvacis ak̆uloni araba çkimis gepxedi do manişa  Endolenepeşi  Şkaguronişa mepti do meviç̆ari. Aya k̆ursişen dido feide maqu. Tkvani  oşveluten, gecgineri doviqvi İnglisuri K̆ursis. Guri k̆ap̆et̆i maqu. Aya gecginoba şk̆ule, mendraleşen ok̆itxuten gamantana govonk̆vati. K̆ursi tkvani şk̆ule, xolo ak̆uloni arabas gepxedi do xolos oşkenoni nʒ̆opulaşa mepti do meviç̆ari.  İmtianepeten gecgineri doviqvi do oşkenoşi nʒ̆opulaşi dip̆loma maqu.  Guri xolo k̆ap̆et̆i maqu. Gonʒ̆k̆imeri Lises oguru mint̆u do meviç̆ari, Şair Abay Lises. Jur do gverdi ʒ̆anaşi doloxe voçodini Lise do gecgineri doviqvi. Edo Liseşi dip̆lomati maqu. Çkvadoçkva doxmeli do ocağuri p̆roblemepe miğut̆u. Otkvaluleten va içoden. Çodinoni ndğas  (KPSS-şi) Devletişi dulyaşi imtianis meviç̆ari . Oşişen  (60) sume neçi p̆uani maqu imtianis.  Aya rt̆u didi gecginoba çkimi şeni.

Ali İhsan Aksamazi: Ma miçkin, manžagerepe tkvanişen ar begik ar k̆omp̆iut̆eri hediye mekçeret̆u. Aya ambarişenti ar-jur nena miʒ̆vit? Eya k̆omp̆iut̆erik muç̆oşi megişveles skidalas?

Meryem Nazli: Not̆erişi xeten, dadi çkimis vekyaleti meçamuşi vort̆i. Sum  tutas ar fara endolonişi maaşi momçapt̆u devletik. Emuşeni dadi çkimis vekyaleti meçamuşi vort̆i ma. Not̆eri Begik oxorişa momixtes.  Rabisk̆aşi dulyape diçodu. Formalit̆epe domixvenu. Uk̆ule dopxedit do bğarğalit, çai pşvit.

Uk̆ule not̆eri Begik oçukare komomçu eya k̆omp̆iut̆eri.  K̆omp̆iut̆eri do int̆ernet̆işi mosaşen dido p̆ozit̆iuri feide maqu skidalas.  Eya k̆omp̆iut̆eri do int̆ernet̆işi mosaten  dido mskva do pelaperi, mogaponi dulyape do ak̆t̆ivitepe maxvenu ma. T̆eknolojik dido memişvelu.

İnt̆ernet̆işi mosaten ç̆andinape dop̆i ma.  Birapape vibiri . Musik̆itenti ağani manebrape maqu, int̆ernet̆işi mosaten.  İnt̆ernet̆işi mosaten noxvenepe çkimiten oskiduşi xela momanžinu  guris.

Ali İhsan Aksamazi: Ma miçkin, tkvan bağlamati gelaçapt? Mundes do solen igurit?

Meryem Nazli: (9) çxoro ʒ̆aneri vort̆i, bağlamaşi  gelaçamu  doviguri, oput̆es. Çkin, zati bağlamaşi k̆ult̆uri komiğut̆es ocağis.  P̆ap̆u çkimik bağlamaşi gelaçamu uçkit̆eren. Baba çkimikti bağlama gelaçapt̆u. Uk̆ule baba çkimik Gunnaz dadis çkimisti bağlamaşi gelaçamu ogureret̆u. Rametli dadi çkimis opşa mskva sersi/ xonari kuğut̆u.

Ali İhsan Aksamazi: Andğaneri ndğas gamiçkvineri ar ketabi giğunan; maç̆arale ret. Oç̆arus mundes geoç̆k̆it? Namu mot̆ivasyoniten geoç̆k̆it oç̆arus? Mundes gamiçkvinu ketabi tkvani?

Meryem Nazli: Ho, açkva mati ar gamiçkvineri ketabi komiğun; maç̆arale vore. Oç̆aruşi fikiri nosişa momixtu (2015) eçi oşi do vit̆o xut   ʒ̆anas. Noʒ̆ireni gamapta, aya mint̆u ma do emuşeni oç̆arus kogevoç̆k̆i. İmkyani maqvaşi nomani do tiyat̆roşi t̆ekst̆epeti maç̆aren.

Ali İhsan Aksamazi: Aya ketabi gamiçkvinaşi, muperi zmona gaqves? Muepe gatkvenan eya zmonape tkvanişen?

Meryem Nazli: Dido onç̆eloni zmona do gagnapa rt̆u. Ar noğira komiğut̆u. Ketabi şk̆ule, xeşnoxveneşi k̆arta speros ti- çkimi oʒ̆iramu mint̆u.  Aya ren didi xçetomonoba do xela çkimi şeni. Bağlamaşi gelaçamuten do birapapaşi obiruten oskiduşi xela momanžinu. P̆anda  madoskide do noʒ̆ireni dulyape oxvenu mint̆u ma.  Ketabiten gecgineri doviqvi.  Ketabi çkimi dido inç̆elinu.  Majurani ketabişi oç̆arus kogevoç̆k̆i. Ar şiirişi ketabişi gamoçkuti guris mek̆amilups.

Ali İhsan Aksamazi: Endolonepeşi derneğepes ketabi tkvanişa nç̆ela aqvesi? Entepek ketabişi gamaçamuşa megişvelenani?

Meryem Nazli: Endolonepeşi Derneğişi dudmaxvance movuk̆itxi. Ketabi çkimis oçukare mepçi emus. Mara entepek mxuci va momçes. Majura derneğisti  vak̆vandi ma, ketabi çkimişi oçinapu şeni; entepekti mxuci va momçes.  Endolonepeşi Dğas, ar majura  T̆anişi Endolonepeşi Derneğik imzaşi dğa domiʒ̆opxu.

Ali İhsan Aksamazi: Namtinik T̆V do gazetapek tkvani ambarepe gamognapes milletis; eşo miçkin. Namu T̆V do gazetapek gamognapes ketabişi ambari?

Meryem Nazli:  T̆elevizyonepeşen CNN,  Cem -TV,  Hilal- TV, ATV, TV-34 –k  ç̆andinape mutepeşiten ketabi çkimi milletis  gamognapes.    Svalyaruli gazeta Yaşam gazete; Hurriyeti, Vatanikti  ambarepe çkimi gamognapu xalk̆is.

Ali İhsan Aksamazi: Ma miçkin, tkvan dido k̆apet̆i irade giğunan. İradeloni ret. Allahik p̆anda megivelan do kçvan. Meryem Xanum;  ma dido şukuri giʒ̆umert aya int̆ervi şeni. Otkvaluşi çkva mutu giğunan na, mesajepe giğunan na, entepeti miʒ̆vit, mu iqven. Allahik gçvan do p̆anda ixelit!

Meryem Nazli:  Adeleşi osap̆aruşi  xarmelobaten, dido meç̆ireli skidala maqu do miğun ma. Şaşk̆ini vore. Muşeni, giçkinani?!  Mtiniti, muç̆oşi  skidalas dopskidi; va oxomaʒ̆onen. Aya ren Allahişi lut̆ufi;  ma xali çkimis aşo voʒ̆k̆er.  Andğaneri ndğas, açkva t̆ani çkimi beciti va ren, kuniten k̆ap̆et̆i  oqopimu dobibağun . Mara xoloti xura çkimişi k̆ap̆et̆oba bgorup ma. Xepe çkimişi oxmaru bgorup.  Oç̆k̆omale çkimi, xepe çkimiten ma  op̆ç̆koma. Namtini orapes, xepe çkimi nuk̆u- p̆ici  komevisva, eya gomanç̆elen. Tomas  xe komevisva; xepe çkimiten toma çkimişi oʒxonu bgorup. Xepe çkimiten dolokunepe çkimi dolovikuna, eya bgorup ma.  Dido k̆oçis antepe axvenena mara, xoloti xeleberi va renan; xoloti oskiduşi xela va uğunan. Xuraş k̆ap̆et̆obaşi  met̆a, çkva beciti mutu va ren aya skidalas. Allahik  mitis xarmeloba mo noç̆aras. Ambarepe vognap T̆V do gazetepeşen do eşo miçkin,  Amerik̆a  do İsp̆anyas, çkimi xarmeloba steri xarmelobaşi jinti içalişepan namtini hekimepek.  Mara ma komiğun didi paraşi p̆roblemepe. Uçareli pskidur aya skidalas. Allahik iris  naç̆aras xuraş do şuriş k̆ap̆et̆oba.  İrik p̆anda noxondinoni iqvas skidalas. Ma tkvan dido şukuri giʒ̆umert. İngilisuri Nenaşi K̆ursis, tkvan dido fedakyarobaten içalişit. Didi şevkyat̆iten çkin memişvelit.  Manebra çkimi ret. Ma aya qoropas dido şukuri giʒ̆umert. Aya int̆erviu şeniti dido şukuri giʒ̆umert.

+

ირიქ პანდა ნოხონდინონი იყვას სქიდალას!”

(გოწოთქვალა: აწინერი მუსაфირი/ სუმარი ჩქიმი რენ მერჲემ ნაზლი. მა, ემუ 2009 წანას ვიჩინი; ეშო ქომშუნ აწი. ემინდროს მამგურაფალე ვორტი. ედო ინგლისური ნენაში დერსეფე მეფჩაფტი ენდოლონეფეში შქაგურონის გაზი მახალლეს, ნოღა ისტანბოლის. მეჲრემ ნაზლი რტუ მამგურეფე ჩქიმიში ართ-ართი. მამგურეფე ჩქიმიში მთელი ენდოლონი რტუ. ენთეფექ ჩქვადოჩქვა ძაბუნობაშენ დერდი ზდიფტეს. მერჲემ ნაზლი რენ ადელეშ ძაბუნი. მერჲემ ნაზლის ქუღუნ ოფშა მეჭირელი სქიდალა. მარა კიბირონი დო აზიმონი კოჩეფეში ართ- ართი რენ. ნწოფულას დიდო კითხერი ვა რტუ; გეჭკაფურონი ნწოფულაშენ დიპლომა ქუღუტუ. მარა ოგურუშა, ოკითხუშა პანდა თოლი დო ხავესლუღი ქუღუტუ. ჩქიმი ინგლისური კურსიშა ქომეხთუ. დერსეფეს პანდა გეჯგინერი რტუ. ინგლისური კურსიშენ გეჯგინერი გამახტუ დო სერტიфიკა აყუ ემუს. უკულე ემუქ გურდოშურითენ იჩალიშუ ოშქე ნწოფულას, ლისეს იკითხუ დო ნწოფულაფეშენ იმთიანითენ გეჯგინერი გამახთუ. ემინდროს თრტ-ქ არ რაბისკური фილიმი ჲეშიღერეტუ “თრაგერი სთეღო” (“საქლი ბაჰჩე”) ჯოხონი პროგრამიში სერიშენ სირქეჯიში ისტასჲონის. პროგრამიქ მერჲემ ნაზლიში გეჯგინერი ამბარეფეთი ოგნაფუ მილლეთის. მანთი არ-ჟურ ნენათენ მერჲემ ნაზლიში გეჯნინობაშენ მოლაფშინერეტი; აწი გომაშინუ.  მერჲემ ნაზლი, ენდოლონი მამგურეფე ჩქიმიშენ ართერი მარა, აწი გამიჩქვინერი არ ქეთაბითი ქუღუნ. ანდღანერი ნდღას, მერჲემ ნაზლი რენ თურქიჲეში მაჭარალეფეშენ ართერი. მა მერჲამ ნაზლი კალა არ ინტერვიუ დოპი. აჲა რენ ჩქინი ნოღარღალეში ტექსტი. ალი იჰსან აქსამაზი)

+

ალი იჰსან აქსამაზი: მერჲემ ხანუმ; იფთი თქვანი ბიჲოგრაфიშენ ბღარღალათ. აწი ნოღა ისტანბოლის სქიდურთ, აჲა ქომიჩქინ. სონური რეთ? სო დიბადით, ჲეჩქინდით? ნამუ გეჭკაფურონი ნწოფულას იგურით?

მერჲემ ნაზლი: მა ნოღა ისტანბოლის- სულთანგაზის ფხერ, ფსქიდურ. ნოღა სივასიში ოფუტე  გუნდუზის ჲეფჩქინდი, დოვიბადი.  ოფუტე გუნდუზიში  გეჭკაფურონი ნწოფულას დოვიგური დო გეჯგინერი გამაფთი, დოვიმეზუნი.

ალი იჰსან აქსამაზი: მუნდეს იძაბუნით? ოჯაღი თქვანიქ თქვანი ძაბუნობა იგურანში, მუეფე ყვეს? ჰექიმეფექ მუეფე გიწვეს ძაბუნობა თქვანიშენ? მუნდეს გოგინდინუ კუჩხეს მენჯელი?

მერჲემ ნაზლი(12) ვიტო ჟურ   წანერი ვორტი, მეძაბუნერი ვიყვი, ემინდროს ძაბუნობა ჩქიმიში სებებიშენ ამბარი მაყუ.1982 წანა რტუ, ოჯაღი ჩქიმიქ მა სივასიში უნივერსიტეტიში ოხძაბუნაშა მენდემიყონუ.  ოჯაღი ჩქიმიქ ძაბუნობა ჩქიმი ოგნუში, იფთი დიდო ვა გააკვირუ. წოხლეშენ ჯუმადი ჩქიმისთი ართნერი  ძაბონობა, ხარმელობა აყვერეტუ  დო ემუშენი: ადელეში ოსაპარუში  ხარმელობა.  მარა ემინდროს ჩქინ ჟურისთი  ვა მიჩქიტეს ქი, ჩქინ ვორტით  ადელეში ოსაპარუში  ხარმელი. ჰექიმეფექ, “ნანა დო ბაბა სქანი რენ მზახალი; არ დიცხირიშენ რენან. ნანა დო ბაბა მზახალი იყვანში, ბერეს ამკათა ხარმელობა აყვენ ბერეფეს,”-ჲა თქვეს, “აჲა ხარმელობაში  ჩარეთი ვა რენ,”-ჲა. (16- 17) ვიტო ანში- ვიტო შქვით წანერი ვორტი, კუჩხეთენ ოხთიმუში მენჯელი გომინდინუ; ბიგათენ მაგზალეტუ.

ალი იჰსან აქსამაზი: მუნდეს მოხთით ნოღა ისტანბოლიშა. მუკო წანერი რტით ემინდროს? ჰექიმიშა იდითი ნოღა ისტანბოლის? ჰექიმიქ მუფე გიწვეს?

მერჲემ ნაზლი: (1984) ვიტონ ჩხორო ოში დო ოთხო ნეჩი დო ოთხო წანა რტუ, მა ნოღა ისტანბოლიშა იფთი ქომოფთი, ქომოფთით; ოხძაბუნეშა, ოკარუ შენი რტუ. მკულე ორას დოფსქიდი, დოფსქიდით ნოღა ისტანბოლის. უკულე ნოღა სივასიშა, ოფუტეშა გოვიქთი, გოვიქთით. ჰექიმიშა ხოლო ვა მემალუ მა.

ალი იჰსან აქსამაზი: ჰექიმეფექ მუ თეშჰისი გიხვენეს? უკულე  მუეფე ყვით?

მერჲემ ნაზლი: ნანანოღა ანქარას სქიდერი  არ ჯუმადი ქომიყონუტუ; აქ მომიხთუ დო  მა მენდემიყონუ  ნანანოღა ანქარაშა, (1985) ვიტონ ჩხორო ოში დო ოთხო ნეჩი ხუთ წანას  მა მენდემიყონუ  ჰაჯეთთეფე უნივერსიტეტიში ოხძაბუნეშა.  ბაბა ჩქიმითი ჩქინი კალა მეხთუ.  ექონური ჰექიმიქ  თიშენ კუდელიშა  თიბბური  კანტროლეფე- ტესტეფე ჩქიმი დოყვეს,  გინძე-გინძე  გოშოგორაფე დოყვეს.  ნოღა სივასიში უნივერსიტეტიში თეშხისი მკითხუ ჰექიმიქ; მა ვა ვუწვი. ჟურ თეშხისი ართიქართიშა ოხოდგერი ოხოწონუ მინტუ მა დო ემუშენი. ბაბა ჩქიმი ჰექიმიში ოდაშა ამახთუში, ემუს პკითხი. “ჰექიმიქ, ‘მზახალეფეში ოჩილუ-ოქიმოჯუშენ  ჲეჩქინინერი რენ  აჲა ხარმელობა, ადელეში ოსაპარუ,’-ჲა მიწუ,”-ჲა მიწუ ბაბა ჩქიმიქ.  “მზახალეფეში ოჩილუ-ოქიმოჯუშენ ჲეჩქინდინერი ხარმელობა რენ. ოშველუთი ვა რენ ,”- ჲა თქვერენ ჰექიმიქ ბაბა ჩქიმის; “ მცუდიში ჩარე მო გორუფ, ჯუმადი, ხარმელობას ჩარე ვა უღუნ. ფარა სქანითი მცუდიში მო ხარჯუფ!”-ჲა  უკულეთი ოჯაღი ჩქიმიქ ვა მენდემიყონუ ოხძაბუნეშა დო ჰექიმიშა. ჩქიმი ხარმელობაში ოშველუ  ვა რტუ, ვა რტერენ თიბბის/ მედიცინას.  მარა ხარმელობაში ოხიზანუს ნოდგითუ მუმქუნი რტუ, რტერენ. მარა ემუშენითი фიზიკური  ოშველუ დომაჭირტუ. ჰექიმიში კანტროლის ოყოფიმუში ვორტი. მარა მა ეშო დოფსქიდი დო მუთუ ვარ.

ალი იჰსან აქსამაზი: მთელო, ნოღა ისტანბოლიშა მუნდეს მოხთით დო დიბარგით?

მერჲემ ნაზლი(2000) ეჩი ოში წანა რტუ, ჩქინ ნოღა ისტანბოლის დოვიბარგით.

ალი იჰსან აქსამაზი: ემინდროს მუფერი სქიდალა გიღუტეს ოხორის?

მერჲემ ნაზლი: ნოღა ისტანბოლის დოვიბარგითშენ წოხლენი სქიდალა ჩქიმი რტუ  დიდო მეჭირელი, ოფუტეს; გენჯირერი ვორტი.  ოფუტარეფე ჩქინი მთელი დიბარგერეტეს ნოღა ისტანბოლის. ჯუმალეფე-დალეფე ჩქიმითი  ჩქიმი კალა ვა რტეს ოფუტეს.  ხვალა დოფსქიდერეტი ოფუტეს, ნანა-ბაბა კალა ვორტი. ნანა-ბაბა ჩქიმი რტუ ჯაჰილი, უკითხერი. სოსჲალური/ ლამთინალური სქიდალა ვა მიღუტუ ოფუტეს; გენჯირერი ვორტი.

უკულე ნოღა ისტანბოლის დოვიბარგით ; (2007) ეჩი ოში დო შქვით   წანა რტუ. მარა  სქიდალა მეჭირელი მაყუ ნოღა ისტანბოლის. სქიდალა ფერფუ ვა მაყუ ნოღა ისტანბოლის; გენჯირერი ვორტი.  ფარაში პრობლემეფეთი მიღუტეს ოჯაღიში დოლოხე. ტელევიზჲონითი ვა მიღუტეს ოხორის. მანძაგერეფეშენ არ ოჯაღიქ მჯვეში უჩა-ხჩეში ტელევიზჲონი ქომომჩეს მკულე ორას. მანძაგერეფეშენ ჩქვალეფექთი  მჯვეში კოლთუღეფე მუთეფეში ქომომჩეს. ხვალა დადი ჩქიმიქ იჩალიშეფტუ. ფსიკოლოჟიური კრიზი, ოკოხვობა  მაყუ; ფსქიდუტი მარა, მითამ მა სქიდალას ვა ვორტი. ჩარე ვა მიღუტუ, უჩარელი ვორტი;  მითიშა , მუთუშა იმენდი ვა ვიქიფტი სქიდალას; გენჯირერი ვორტი. ღურაშენ მეტა ჩარე ვა მიღუტუ. ემინდროს ეშო მევისიმადეფტი. ღურაშენ მეტა ჩარე ვა მიღუტუ; ეშო მევისიმადეფტი დო მუთუ ვარ.

ალი იჰსან აქსამაზი: მუნდეს აკჲულონი არაბა გაყვეს? აჲა არაბათენ მუფერი აღანი სქიდალა გაყვეს?

მერჲემ ნაზლი: (2008) ეჩი ოში დო ოვრო წანა რტუ, მა აკულონი არაბა მაყუ. კუსკულიშენ ნუზულონეფეში დერნეღიქ აკულონი არაბა მომინჯღონუ. აკულონი არაბათენ, დიდო фეიდე მაყუ სქიდალას. ხეფე თამო-თამო ოხმარუში მენჯელი მიღუტუ  დო ამუთენთი აკულონი არაბაში კომანდა ვიქიფტი.  ხვალა-ხვალა გალე გამავულუტი;  გალე გამახთიმუს ქოგევოჭკი თამო-თამო, მორო! დიდო ონჭელონი ზმონა რტუ,  ხვალა-ხვალა გალე გამაფთერეტი.  აჩქვა ოჯაღიშენ, მაჟურაფეშენ, ონჯირეშენ, ოხორიშენ დუდმოშლეთინერი  ვორტი. ოკითხუთი მინტუ, ოკითხუშა თოლი ქომიღუტუ.

ალი იჰსან აქსამაზი: არმციქათი ინგლისური კურსიშენ მოლაფშინათ? ეჲა კურსიქ მეგიშველესი სქიდალას?

მერჲემ ნაზლი:  გაზი მახალლეში პარკიში დოლოხე  რტუ ენდოლენეფეში  შქაგურონი, ბელედიჲეში. არ ნდღას, ენდოლენეფეში  შქაგურონიში ინგილისური კურსიშენ ამბარი მაყუ. არშვაჯის აკულონი არაბა ჩქიმის გეფხედი დო მანიშა  ენდოლენეფეში  შქაგურონიშა მეფთი დო მევიჭარი. აჲა კურსიშენ დიდო фეიდე მაყუ. თქვანი  ოშველუთენ, გეჯგინერი დოვიყვი ინგლისური კურსის. გური კაპეტი მაყუ. აჲა გეჯგინობა შკულე, მენდრალეშენ ოკითხუთენ გამანთანა გოვონკვათი. კურსი თქვანი შკულე, ხოლო აკულონი არაბას გეფხედი დო ხოლოს ოშქენონი ნწოფულაშა მეფთი დო მევიჭარი.  იმთიანეფეთენ გეჯგინერი დოვიყვი დო ოშქენოში ნწოფულაში დიპლომა მაყუ.  გური ხოლო კაპეტი მაყუ. გონწკიმერი ლისეს ოგურუ მინტუ დო მევიჭარი, შაირ აბაჲ ლისეს. ჟურ დო გვერდი წანაში დოლოხე ვოჩოდინი ლისე დო გეჯგინერი დოვიყვი. ედო ლისეში დიპლომათი მაყუ. ჩქვადოჩქვა დოხმელი დო ოჯაღური პრობლემეფე მიღუტუ. ოთქვალულეთენ ვა იჩოდენ. ჩოდინონი ნდღას  (ქფსს-ში) დევლეთიში დულჲაში იმთიანის მევიჭარი . ოშიშენ  (60) სუმე ნეჩი პუანი მაყუ იმთიანის.  აჲა რტუ დიდი გეჯგინობა ჩქიმი შენი.

ალი იჰსან აქსამაზი: მა მიჩქინ, მანძაგერეფე თქვანიშენ არ ბეგიქ არ კომპიუტერი ჰედიჲე მექჩერეტუ. აჲა ამბარიშენთი არ-ჟურ ნენა მიწვით? ეჲა კომპიუტერიქ მუჭოში მეგიშველეს სქიდალას?

მერჲემ ნაზლი: ნოტერიში ხეთენ, დადი ჩქიმის ვექჲალეთი მეჩამუში ვორტი. სუმ  თუთას არ фარა ენდოლონიში მააში მომჩაფტუ დევლეთიქ. ემუშენი დადი ჩქიმის ვექჲალეთი მეჩამუში ვორტი მა. ნოტერი ბეგიქ ოხორიშა მომიხთეს.  რაბისკაში დულჲაფე დიჩოდუ. Фორმალიტეფე დომიხვენუ. უკულე დოფხედით დო ბღარღალით, ჩაი ფშვით.

უკულე ნოტერი ბეგიქ ოჩუქარე ქომომჩუ ეჲა კომპიუტერი.  კომპიუტერი დო ინტერნეტიში მოსაშენ დიდო პოზიტიური фეიდე მაყუ სქიდალას.  ეჲა კომპიუტერი დო ინტერნეტიში მოსათენ  დიდო მსქვა დო ფელაფერი, მოგაფონი დულჲაფე დო აკტივითეფე მახვენუ მა. ტექნოლოჟიქ დიდო მემიშველუ.

ინტერნეტიში მოსათენ ჭანდინაფე დოპი მა.  ბირაფაფე ვიბირი . მუსიკითენთი აღანი მანებრაფე მაყუ, ინტერნეტიში მოსათენ.  ინტერნეტიში მოსათენ ნოხვენეფე ჩქიმითენ ოსქიდუში ხელა მომანძინუ  გურის.

ალი იჰსან აქსამაზი: მა მიჩქინ, თქვან ბაღლამათი გელაჩაფთ? მუნდეს დო სოლენ იგურით?

მერჲემ ნაზლი: (9) ჩხორო წანერი ვორტი, ბაღლამაში  გელაჩამუ  დოვიგური, ოფუტეს. ჩქინ, ზათი ბაღლამაში კულტური ქომიღუტეს ოჯაღის.  პაპუ ჩქიმიქ ბაღლამაში გელაჩამუ უჩქიტერენ. ბაბა ჩქიმიქთი ბაღლამა გელაჩაფტუ. უკულე ბაბა ჩქიმიქ გუნნაზ დადის ჩქიმისთი ბაღლამაში გელაჩამუ ოგურერეტუ. რამეთლი დადი ჩქიმის ოფშა მსქვა სერსი/ ხონარი ქუღუტუ.

ალი იჰსან აქსამაზი: ანდღანერი ნდღას გამიჩქვინერი არ ქეთაბი გიღუნან; მაჭარალე რეთ. ოჭარუს მუნდეს გეოჭკით? ნამუ მოტივასჲონითენ გეოჭკით ოჭარუს? მუნდეს გამიჩქვინუ ქეთაბი თქვანი?

მერჲემ ნაზლი: ჰო, აჩქვა მათი არ გამიჩქვინერი ქეთაბი ქომიღუნ; მაჭარალე ვორე. ოჭარუში фიქირი ნოსიშა მომიხთუ (2015) ეჩი ოში დო ვიტო ხუთ   წანას. ნოწირენი გამაფთა, აჲა მინტუ მა დო ემუშენი ოჭარუს ქოგევოჭკი. იმქჲანი მაყვაში ნომანი დო თიჲატროში ტექსტეფეთი მაჭარენ.

ალი იჰსან აქსამაზი: აჲა ქეთაბი გამიჩქვინაში, მუფერი ზმონა გაყვეს? მუეფე გათქვენან ეჲა ზმონაფე თქვანიშენ?

მერჲემ ნაზლი: დიდო ონჭელონი ზმონა დო გაგნაფა რტუ. არ ნოღირა ქომიღუტუ. ქეთაბი შკულე, ხეშნოხვენეში კართა სფეროს თი- ჩქიმი ოწირამუ მინტუ.  აჲა რენ დიდი ხჩეთომონობა დო ხელა ჩქიმი შენი. ბაღლამაში გელაჩამუთენ დო ბირაფაფაში ობირუთენ ოსქიდუში ხელა მომანძინუ. პანდა  მადოსქიდე დო ნოწირენი დულჲაფე ოხვენუ მინტუ მა.  ქეთაბითენ გეჯგინერი დოვიყვი.  ქეთაბი ჩქიმი დიდო ინჭელინუ.  მაჟურანი ქეთაბიში ოჭარუს ქოგევოჭკი. არ შიირიში ქეთაბიში გამოჩქუთი გურის მეკამილუფს.

ალი იჰსან აქსამაზი: ენდოლონეფეში დერნეღეფეს ქეთაბი თქვანიშა ნჭელა აყვესი? ენთეფექ ქეთაბიში გამაჩამუშა მეგიშველენანი?

მერჲემ ნაზლი: ენდოლონეფეში დერნეღიში დუდმახვანჯე მოვუკითხი. ქეთაბი ჩქიმის ოჩუქარე მეფჩი ემუს. მარა ენთეფექ მხუჯი ვა მომჩეს. მაჟურა დერნეღისთი  ვაკვანდი მა, ქეთაბი ჩქიმიში ოჩინაფუ შენი; ენთეფექთი მხუჯი ვა მომჩეს.  ენდოლონეფეში დღას, არ მაჟურა  ტანიში ენდოლონეფეში დერნეღიქ იმზაში დღა დომიწოფხუ.

ალი იჰსან აქსამაზი: ნამთინიქ ტვ დო გაზეთაფექ თქვანი ამბარეფე გამოგნაფეს მილლეთის; ეშო მიჩქინ. ნამუ ტვ დო გაზეთაფექ გამოგნაფეს ქეთაბიში ამბარი?

მერჲემ ნაზლი:  ტელევიზჲონეფეშენ ჯნნ,  ჯემ -თვ,  ჰილალ- თვ, ათვ, თვ-34 –ქ  ჭანდინაფე მუთეფეშითენ ქეთაბი ჩქიმი მილლეთის  გამოგნაფეს.    სვალჲარული გაზეთა ჲაშამ გაზეთე; ჰურრიჲეთი, ვათანიქთი  ამბარეფე ჩქიმი გამოგნაფუ ხალკის.

ალი იჰსან აქსამაზი: მა მიჩქინ, თქვან დიდო კაფეტი ირადე გიღუნან. ირადელონი რეთ. ალლაჰიქ პანდა მეგიველან დო ქჩვან. მერჲემ ხანუმ;  მა დიდო შუქური გიწუმერთ აჲა ინტერვი შენი. ოთქვალუში ჩქვა მუთუ გიღუნან ნა, მესაჟეფე გიღუნან ნა, ენთეფეთი მიწვით, მუ იყვენ. ალლაჰიქ გჩვან დო პანდა იხელით!

მერჲემ ნაზლი:  ადელეში ოსაპარუში  ხარმელობათენ, დიდო მეჭირელი სქიდალა მაყუ დო მიღუნ მა. შაშკინი ვორე. მუშენი, გიჩქინანი?!  მთინითი, მუჭოში  სქიდალას დოფსქიდი; ვა ოხომაწონენ. აჲა რენ ალლაჰიში ლუტუфი;  მა ხალი ჩქიმის აშო ვოწკერ.  ანდღანერი ნდღას, აჩქვა ტანი ჩქიმი ბეჯითი ვა რენ, ქუნითენ კაპეტი  ოყოფიმუ დობიბაღუნ . მარა ხოლოთი ხურა ჩქიმიში კაპეტობა ბგორუფ მა. ხეფე ჩქიმიში ოხმარუ ბგორუფ.  ოჭკომალე ჩქიმი, ხეფე ჩქიმითენ მა  ოპჭქომა. ნამთინი ორაფეს, ხეფე ჩქიმი ნუკუ- პიჯი  ქომევისვა, ეჲა გომანჭელენ. თომას  ხე ქომევისვა; ხეფე ჩქიმითენ თომა ჩქიმიში ოცხონუ ბგორუფ. ხეფე ჩქიმითენ დოლოქუნეფე ჩქიმი დოლოვიქუნა, ეჲა ბგორუფ მა.  დიდო კოჩის ანთეფე ახვენენა მარა, ხოლოთი ხელებერი ვა რენან; ხოლოთი ოსქიდუში ხელა ვა უღუნან. ხურაშ კაპეტობაში  მეტა, ჩქვა ბეჯითი მუთუ ვა რენ აჲა სქიდალას. ალლაჰიქ  მითის ხარმელობა მო ნოჭარას. ამბარეფე ვოგნაფ ტვ დო გაზეთეფეშენ დო ეშო მიჩქინ,  ამერიკა  დო ისპანჲას, ჩქიმი ხარმელობა სთერი ხარმელობაში ჟინთი იჩალიშეფან ნამთინი ჰექიმეფექ.  მარა მა ქომიღუნ დიდი ფარაში პრობლემეფე. უჩარელი ფსქიდურ აჲა სქიდალას. ალლაჰიქ ირის  ნაჭარას ხურაშ დო შურიშ კაპეტობა.  ირიქ პანდა ნოხონდინონი იყვას სქიდალას. მა თქვან დიდო შუქური გიწუმერთ. ინგილისური ნენაში კურსის, თქვან დიდო фედაქჲარობათენ იჩალიშით. დიდი შევქჲატითენ ჩქინ მემიშველით.  მანებრა ჩქიმი რეთ. მა აჲა ყოროფას დიდო შუქური გიწუმერთ. აჲა ინტერვიუ შენითი დიდო შუქური გიწუმერთ.